| e-texts navigator |
| Wylie |
79b1 པ་ཡི་ཉི་མ་དེ་འདུན་རྣམ་པར་རྒྱུ་ཞེའོ། ། ས་འདི་དང་ནི་དེ་བཞིན་གསེར་གྱི་གཞི།། སེམས་ཅན་དམྱལ་བརྒྱད་རི་རྣམས་ཐམས་ཅད་དང་།། འདོད་ལྡན་ལྷ་རྣམས་ཀྱི་ནི་ཁང་པ་དང་།། འདོད་པ་ཀུན་རྒྱ
79b2 གནས་སུ་སོང་ནས་ཀྱང་། ། འདོད་པའི་ལྷ་མང་ཤིན་ཏུ་ཡིད་འོང་བྲལ།། ཚངས་པའི་གནས་རྣམས་ཤིན་ཏུ་སྲེག་པར་བྱེད།། ཇི་སྐད་སྨྲས་བཞིན་མ་ལུས་ཀུན་བསྲེགས་ནས།། དུས་མཐའི་ཉི་མ་གཟི
79b3 བརྗིད་ཆེ་ལྡན་པ། ། དེ་དག་ཉིད་ཀྱང་དབང་ནི་མེད་འགྱུར་ཞིང་།། མི་རྟག་པས་ནི་བཅོམ་ནས་ཞིག་པར་འགྱུར།། དེ་ལྟར་ལྷུན་པོ་རྒྱ་མཚོ་ཆེན་དང་ས།། དེ་བཞིན་མཐོ་རིས་ཟད་འགྱུར་ཤེས་ནས་ནི།། སྐྱེ་བོ
79b4 དམ་པ་དག་གིས་བསྟེན་པ་ཡི། ། འཕགས་པའི་གནས་ལ་རྟག་ཏུ་བློ་ཞོག་ཅིག། ཅེས་བྱའོ།། བཅོམ་ལྡན་འདས་ཀྱིས་ཀྱང་ཉི་མ་བདུན་ལུང་བསྟན་པ་ལས། འདི་སྐད་དུ། དགེ་སློང་དག་འདུ་བྱེད
79b5 ཐམས་ཅད་ནི་མི་རྟག་པ། མི་བརྟན་པ། དབུགས་འབྱིན་པ་མ་ཡིན་པ་སྟེ། འགྱུར་བའི་ཆོས་ཅན་ནོ།། དགེ་སློང་དག་འདུ་བྱེད་ཐམས་ཅད་ཀྱིས་ནི་ཡེ་ཆོག་གོ།། སྐྱོ་བ་བྱས་ན་ལེགས་སོ།། མ་ཆག
79b6 པར་བྱས་ན་ལེགས་སོ། ། རྣམ་པར་ཐར་པར་བྱས་ན་ལེགས་སོ།། དགེ་སློང་དག་གང་ཡུན་རིང་མོ་ཞིག་འདས་ནས་ཆར་མི་འབབ་པ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། ཆར་མི་འབབ་པས
79b7 ས་ཆེན་པོ་འདི་ལས་ས་བོན་གྱི་ཚོགས་དང་། ཤིང་གི་ཚོགས་དང་། སྨན་དང་། རྩཝ་དང་། འབྲས་བུའི་ཤིང་གང་ཡིན་པ་དེ་དག་ཐམས་ཅད་བསྐམས་པར་འགྱུར་ཞིང་མ་རུང་བར་འགྱུར་ལ་མེད་པར་འགྱུར་ཏེ།།
iiif viewer powered by OpenSeadragon
