| e-texts navigator |
| Wylie |
79a1 ཡང་མེད་ལ། ཐལ་བའི་ལྷག་མ་ཡང་མེད་དེ། དཔེར་ན་མར་རམ། འབྲུ་མར་ཡང་རུང་སྟེ། ནམ་མཁའ་ལ་བསྲེགས་ཤིང་ཚིག་པའི་དུ་བ་ཡང་མེད། ཐལ་བའི་ལྷག་མ་ཡང་མེད་པ་དེ
79a2 བཞིན་དུ། ས་ཆེན་པོ་འདི་དང་། རིའི་རྒྱལ་པོ་རི་རབ་བསྲེགས་ཤིང་ཚིག་པའི་དུ་བ་ཡང་མེད། ཐལ་བའི་ལྷག་མ་ཡང་མེད་དོ།། འདི་སྐད་དུ། དུས་མཐའི་ཚེ་ན་འཚོ་བའི་འཇིག་རྟེན་འདིར།། སྤྲིན་རྣམ
79a3 ཆུ་ནི་ཅུང་ཟད་གཏོང་མི་བྱེད། ། ཉི་མ་གཅིག་པུས་རྩཝ་དང་གེལ་བ་དང་།། སྨན་དང་ས་བོན་ཤིང་མང་ཟད་པར་བྱེད།། ཉི་མ་གཉིས་པས་ལྟེང་ཀ་ཆུང་ངུའི་ཚོགས།། དེ་བཞིན་ཆུ་ཀླུང་ཆུང་ངུ་བསྐམས་པར་འགྱུར།།
79a4 ལྟེང་ཀ་ཆེན་པོའི་ཚོགས་དང་ཀླུང་ཆེན་གྱི།། ཆུ་རྣམས་ཉི་མ་གསུམ་པས་མེད་པར་བྱེད།། མི་མ་ཡིན་རྣམས་མཚོ་ནི་རྒྱ་ཆེ་བ།། མ་དྲོས་ཞེས་བྱ་ཤིན་ཏུ་ཡིད་འོང་ཞིང་།། གཙང་མའི་ཆུ་ཡིས་ཤིན་ཏུ་གང
79a5 བ་ནི། ཉི་མ་བཞི་པ་ཡིས་ནི་བསྐམས་པར་འགྱུར།། རིན་ཆེན་མང་པོས་གང་ཞིག་རབ་འཇིགས་ལ།། སེམས་ཅན་ཚོགས་ཆེན་གང་གི་གནས་གྱུར་པ།། རྒྱ་མཚོ་དག་ནི་ཉི་མ་ལྔ་རྣམས་ཀྱིས།། ཡོངས
79a6 སུ་གདུངས་པས་མ་ལུས་བསྐམས་པར་འགྱུར། ། ས་དང་གངས་དང་དེ་བཞིན་རི་རབ་དང་།། གསེར་གྱི་རི་དབང་རྒྱ་ཆེན་བདུན་པོ་རྣམས།། ཉི་མ་དྲུག་པོ་དག་གིས་རབ་གདུངས་པས།། ཀུན་ནས་དུད་པ་ཤིན་ཏུ
79a7 འཐོན་པར་བྱེད། ། གང་ཚེ་ཉི་མ་བདུན་པ་ཤར་གྱུར་ཅིང་།། འདིར་ནི་འོད་ཟེར་དྲ་བ་རབ་གཏོང་བ།། དེ་ཡི་ཚེ་ན་ས་དང་རི་རྣམས་ཀུན།། ཤིན་ཏུ་རབ་ཏུ་འབར་བར་འགྱུར་ཞེའོ།། འོད་ཟེར་དྲ་བ་རབ་མཛེས་ལྡན
iiif viewer powered by OpenSeadragon
