| e-texts navigator |
| Wylie |
78a1 པར་འགྱུར་ཏེ། མཐར་མཛུབ་མོ་གཤེར་བར་བྱ་བ་ཙམ་ཡང་མེད་དོ།། ཡུན་རིང་མོ་ཞིག་འདས་ནས། ཉི་མ་དྲུག་པ་འཇིག་རྟེན་དུ་བྱུང་བ་དེའི་དུས་ཀྱང་ཡོད་ལ། དེའི་སྐབས་ཀྱང་།།
78a2 ཡོད་དེ། ཉི་མ་དྲུག་པ་འཇིག་རྟེན་དུ་བྱུང་བས། ས་ཆེན་པོ་འདི་དང་། རིའི་རྒྱལ་པོ་རི་རབ་ལ་དུ་བ་འཐུལ་ཤིང་རབ་ཏུ་འཐུལ་ལ། ཀུན་ཏུ་རབ་ཏུ་འཐུལ་ཏེ། དཔེར་ན་རྫ་མཁན་སོ་གཏོང་བ་དེས་ཐོག
78a3 མ་མེ་བཏང་བ་ན། དུ་བ་འཐུལ་ཞིང་རབ་ཏུ་འཐུལ་ལ། ཀུན་ཏུ་རབ་ཏུ་འཐུལ་བ་དེ་བཞིན་དུ་ཉི་མ་དྲུག་པ་འཇིག་རྟེན་ཏུ་བྱུང་བས། ས་ཆེན་པོ་འདི་དང་། རིའི་རྒྱལ་པོ་རི་རིབ་ལ་དུ་བ་འཐུལ་ཤིང་རབ་ཏུ་འཐུལ
78a4 ལ་ཀུན་ཏུ་རབ་ཏུ་འཐུལ་ལོ། ། ཡུན་རིང་མོ་ཞིག་འདས་ནས། ཉི་མ་བདུན་པ་འཇིག་རྟེན་དུ་བྱུང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། ཉི་མ་བདུན་པ་འཇིག་རྟེན་དུ་བྱུང་བས། ས་ཆེན་པོ
78a5 འདི་དང་། རིའི་རྒྱལ་པོ་རི་རབ་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ནས། མེ་ལྕེ་གཅིག་ཏུ་གྱུར་ཅིང་སྲེག་སྟེ། དཔེར་ན་ཤིང་ཁུར་བཅུ་ལ་བརྟེན་ནམ། ཤིང་ཉི་ཤུ་འམ། སུམ་ཅུ་འམ།
78a6 བཞི་བཅུ་འམ། ལྔ་བཅུ་འམ། ཤིང་ཁུར་བརྒྱའམ། ཤིང་ཁུར་སྟོང་ངམ། ཤིང་ཁུར་སྟོང་ལ་བརྟེན་ཏེ། མེའི་ཕུང་པོ་འབར་བ་དེ་བཞིན་དུ། ཉི་མ་བདུན་པ་འཇིག་རྟེན་དུ་བྱུང
78a7 བས། ས་ཆེན་པོ་འདི་དང་། རིའི་རྒྱལ་པོ་རི་རབ་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་ནས། མེ་ལྕེ་གཅིག་ཏུ་གྱུར་ཅིང་སྲེག་གོ།། ས་ཆེན་པོ་དང་། རིའི་རྒྱལ་པོ་རི་རབ་དེ་འབར་ཞིང་རབ་ཏུ་འབར
iiif viewer powered by OpenSeadragon
