| e-texts navigator |
| Wylie |
77a1 མེད་པར་འགྱུར་རོ།། ཡུན་རིང་མོ་ཞིག་འདས་ནས། ཉི་མ་གསུམ་པ་འཇིག་རྟེན་དུ་འབྱུང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། ཉི་མ་གསུམ་པ་འཇིག་རྟེན་དུ་འབྱུང་བས
77a2 ས་ཆེན་པོ་འདི་ན་ཆུ་ཀླུང་ཆུང་ངུ་དང་། ཆུ་ཀླུང་ཆེན་པོ་ཡོད་པ་གང་ཡིན་པ་དེ་དག་ཐམས་ཅད་བསྐམས་པར་འགྱུར་ཞིང་མ་རུང་བར་འགྱུར་ཏེ། མེད་པར་འགྱུར་རོ།། ཡུན་རིང་མོ་ཞིག་འདས་ནས་ཉི་མ་བཞི་པ་འཇིག
77a3 རྟེན་དུ་འབྱུང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། ཉི་མ་བཞི་པ་འཇིག་རྟེན་དུ་འབྱུང་བས། མཚོ་མ་དྲོས་པ་ཞེས་བྱ་བའི་མཚོ་ཆེན་པོ་གང་ནས། ཀླུང་ཆེན་པོ་བཞི་འདི་ལྟ་སྟེ། གངྒཱ་དང་།
77a4 སིནྣི་དང་། སི་ཏ་དང་། པག་ཤུ་རྣམས་འབྱུང་བའི་མཚོ་ཆེན་པོ་དེ་ཡང་། དེའི་ཚེ་བསྐམས་པར་འགྱུར་ཞིང་མ་རུང་བར་འགྱུར་ཏེ། མེད་པར་འགྱུར་རོ།། ཡུན་རིང་མོ་ཞིག་འདས་ནས། ཉི་མ་ལྔ་པ་འཇིག
77a5 རྟེན་དུ་འབྱུང་བར་འགྱུར་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། ཉི་མ་ལྔ་པ་འཇིག་རྟེན་དུ་བྱུང་བས། རྒྱ་མཚོ་ཆེན་པོའི་ཆུ་དཔག་ཚད་བརྒྱ་བསྐམས་པར་འགྱུར་ཞིང་མ་རུངས་པར་འགྱུར་ཏེ།
77a6 མེད་པར་འགྱུར་རོ།། ཆུ་དཔག་ཚད་གཉིས་དང་། གསུམ་དང་། བཞི་དང་། ལྔ་དང་། དྲུག་དང་། བདུན་དག་ཀྱང་བསྐམས་པར་འགྱུར་ཞིང་མ་རུངས་པར་འགྱུར་ལ། མེད་པར་འགྱུར་རོ།། ཉི་མ་ལྔ
77a7 པ་འཇིག་རྟེན་དུ་བྱུང་ནས། རྒྱ་མཚོ་ཆེན་པོའི་ཆུ་དཔག་ཚད་བདུན་སྟོང་ལུས་པར་འགྱུར་ཞིང་། དཔག་ཚད་དྲུག་སྟོང་དང་། ལྔ་སྟོང་དང་། བཞི་སྟོང་དང་། སུམ་སྟོང་དང་། ཉིས་སྟོང་དང་། ཚིག་སྟོང
iiif viewer powered by OpenSeadragon
