| e-texts navigator |
| Wylie |
76b1 པར་བྱེད་དེ། སྒྲ་དེ་ཚེགས་ཆུང་ངུས་ཚངས་པའི་འཇིག་རྟེན་ཐམས་ཅད་དུ་ཁྱབ་པར་འགྲོ་ལ། དེ་ནས་དེ་ལས་གཞན་པའི་སེམས་ཅན་རྣམས་ཀྱང་ཆོས་ཉིད་ཀྱིས་འཐོབ་པའི་སྒྲ་དེ་ཐོས་ནས་བསམ
76b2 གཏན་གཉིས་པ་ལ་མཉམ་པར་གཞོག་པ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དོ།། ཚངས་པའི་འཇིག་རྟེན་ནས་སེམས་ཅན་རྣམས་འཆི་འཕོ་ལ། སྐྱེ་བ་ནི་མེད་པ་དེའི་དུས་ཀྱང་ཡོད
76b3 ལ་དེའི་སྐབས་ཀྱང་ཡོད་དོ། ། ཚངས་པའི་འཇིག་རྟེན་དུ་སེམས་ཅན་འགའ་ཡང་མ་ལུས་པར་འགྱུར་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། གང་གི་ཚེ་ཚངས་པའི་འཇིག་རྟེན
76b4 དུ་སེམས་ཅན་འགའ་ཡང་མ་ལུས་པར་གྱུར་ན། དེ་ཙམ་གྱིས་ན་འཇིག་རྟེན་འདི། འདི་ལྟ་སྟེ། སེམས་ཅན་འཇིག་པར་འགྱུར་བ་ཞིག་པར་བརྗོད་པར་བྱ་སྟེ། འཇིག་རྟེན་འདི་སྟོངས་པར
76b5 འགྱུར་རོ། ། ལྷ་ཡང་དུས་དུས་སུ་ཆར་གྱི་རྒྱུན་ལེགས་པར་མི་འབེབས་ཏེ། ལྷ་དུས་དུས་སུ་ཆར་གྱི་རྒྱུན་ལེགས་པར་མི་འབེབས་པས། ས་ཆེན་པོ་འདི་ལས་བོན་གྱི་ཚོགས་དང་། ཤིང་གི་ཚོགས
76b6 དང་། སྨན་དང་། རྩཝ་དང་། འབྲས་བུའི་ཤིང་གང་ཡིན་པ་དེ་དག་ཐམས་ཅད་བསྐམས་པར་འགྱུར་ཞིང་མ་རུང་བར་འགྱུར་ཏེ། མེད་པར་འགྱུར་རོ།། ཡུན་རིང་མོ་ཞིག་འདས་ནས། ཉི་མ་གཉིས་པ་འཇིག་རྟེན་དུ་འབྱུང་བ་དེའི
76b7 དུས་ཀྱང་ཡོད་ལ། དེའི་སྐབས་ཀྱང་ཡོད་དོ།། ཉི་མ་གཉིས་པ་འཇིག་རྟེན་དུ་བྱུང་བས་ས་ཆེན་པོ་འདི་ནི་ལྟེང་ཀ་ཆུང་ངུ་དང་། ལྟེང་ཀ་ཆེན་པོ་ཡོད་པ་དེ་དག་ཐམས་ཅད་བསྐམས་པར་འགྱུར་ཞིང་མ་རུང་བར་འགྱུར་ཏེ།
iiif viewer powered by OpenSeadragon
