| e-texts navigator |
| Wylie |
6a1 སྟོང་ཡོད་དེ། རིའི་རྒྱལ་པོ་གཉའ་ཤིང་འཛིན་སྟོང་དང་། གཤོལ་མངའ་འཛིན་སྟོང་དང་། སེང་ལྡེང་ཅན་སྟོང་དང་། བལྟན་སྡུག་སྟོང་དང་། རྟ་ན་འཛིན་སྟོང
6a2 དང་། མུ་ཁྱུད་འཛིན་སྟོང་དང་། རིའི་རྒྱལ་པོ་རྣམ་པར་འདུད་སྟོང་རྣམས་སོ།། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ན། རོལ་མཚོ་ཆེན་པོ་བདུན་སྟོང་ཡོད་དེ། གཉང་ཤིང་འཛིན་གྱི་རོལ་མཚོ
6a3 སྟོང་དང་། གཤོལ་མདའ་འཛིན་གྱི་སྟོང་དང་། སེང་ལྡེང་ཅན་གྱི་སྟོང་དང་། བལྟ་ན་སྡུག་གི་སྟོང་དང་། རྟ་རྣ་རིའི་སྟོང་དང་། མུ་ཁྱུད་འཛིན་གྱི་སྟོང་དང་། རྣམ་པར་འདུད་ཀྱི་རོལ་མཚོ་སྟོང
6a4 རྣམས་སོ། ། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ན། སེམས་ཅན་དམྱལ་བ་ཆེན་པོ་བརྒྱད་སྟོང་ཡོད་དེ། སེམས་ཅན་དམྱལ་བ་ཆེན་པོ་ཡང་སོས་སྟོང་དང་། ཐིག་ནག་སྟོང་དང་། བསྡུས
6a5 གཞོམ་སྟོང་དང་། ངུ་འབོད་སྟོང་དང་། ངུ་འབོང་ཆེན་པོ་སྟོང་དང་། ཚ་བ་སྟོང་དང་། རབ་ཏུ་ཚ་བ་སྟོང་དང་། སེམས་ཅན་དམྱལ་བ་ཆེན་པོ་མནར་མེད་པ་སྟོང་རྣམས་སོ།། སྟོང་སྤྱི་ཕུད་ཀྱི
6a6 འཇིག་རྟེན་གྱི་ཁམས་ན། སེམས་ཅན་གྱི་གནས་དགུ་སྟོང་ཡོད་དེ། སེམས་ཅན་གཟུགས་ཡོད་པ་ལུས་ཐ་དད་ཅིང་འདུ་ཤེས་ཐ་དད་པ་དག་ཡོད་དེ། འདི་ལྟ་སྟེ། མི་རྣམས་དང་ལྷ་ཁ་ཅིག།
6a7 གོ།། འདི་ནི་སེམས་ཅན་གྱི་གནས་དང་པོའོ།། སེམས་ཅན་གཟུགས་ཡོད་པ་ལུས་ཐ་དད་ལ་འདུ་ཤེས་གཅིག་པ་དག་ཡོད་དེ། འདི་ལྟ་སྟེ། ཚངས་རིས་ཀྱི་ལྷ་དང་པོ་བྱུང་བ་གང་ཡིན་པ་དེ
iiif viewer powered by OpenSeadragon
