| e-texts navigator |
| Wylie |
69a1 བླང་པའི་རྒྱུས་ཕྱིར་ཚེ་ཡང་ནུར་ལ་ཁ་དོག་དང་། སྟོབས་དང་། བདེ་བ་དང་། ལོངས་སྤྱོད་དག་ཀྱང་འཕེལ་བར་སྣང་གིས། བདག་ཅག་གིས་ཡང་ལྷག་པར་དགེ་བའི་ཆོས་འགའ།
69a2 ཞིག་ཡང་དག་པར་བླངས་ཏེ་འཁོད་པར་བྱ་བ་ན། བདག་ཅག་གིས་དགེ་བའི་ཆོས་གང་ཞིག་ཡང་དག་པར་བླངས་ཏེ་འཁོད་པར་བྱ་སྙམ་དུ་སེམས་སོ།། དེ་དག་འདི་སྙམ་དུ། ཀྱེ་བདག་ཅག་ནི་བརྫུན་དུ་སྨྲ་བ
69a3 ཡིན་གྱིས། བརྫུན་དུ་སྨྲ་བ་སྤང་བར་བྱའོ་ཞེས་ནས། དེ་དག་བརྫུན་དུ་སྨྲ་བ་སྤང་ངོ་།། ཚེ་ལོ་བརྒྱ་པའི་མི་བརྫུན་དུ་སྨྲ་བ་སྤོང་བ་དེ་དག་གི་བུ་དང་བུ་མོ་བཙས་པ་རྣམས་ཚེ་ལོ་ཉིས་བརྒྱ་ཐུབ་པར་འགྱུར་ཏེ། དེ་དག
69a4 ལས་ཁ་ཅིག་ནི་ཚེ་ལོ་ཉིས་བརྒྱ་ལྔ་བཅུ་ཐུབ་པར་འགྱུར་རོ། ། ཚེ་ལོ་ཉིས་བརྒྱ་ལྔ་བཅུ་ཐུབ་པའི་མི་རྣམས་འདི་སྙམ་དུ། ཀྱེ་དགེ་བའི་ཆོས་རྣམས་ཡང་དག་པར་བླངས་པའི་ཕྱིར་ཚེ་ཡང་ནུར་ལ་ཁ་དོག་དང
69a5 སྟོབས་དང་། བདེ་བ་དང་། ལོངས་སྤྱོད་དག་ཀྱང་འཕེལ་བར་སྣང་གིས། བདག་ཅག་གིས་ཡང་ལྷག་པར་དགེ་བའི་ཆོས་འགའ་ཞིག་ཡང་དག་པར་བླངས་ཏེ་འཁོད་པར་བྱ་ན། བདག་ཅག་གིས་དགེ་བའི་ཆོས
69a6 གང་ཞིག་ཡང་དག་པར་བླངས་ཏེ་འཁོད་པར་བྱ་སྙམ་དུ་སེམས་སོ། ། དེ་དག་འདི་སྙམ་དུ། ཀྱེ་བདག་ཅག་ནི་ཕྲ་མ་ཅན་ཡིན་གྱིས། བདག་ཅག་གིས་ཕྲ་མ་སྤང་བར་བྱའོ་ཞེས་ནས། དེ་དག་ཕྲ་མ་སྤོང་ངོ་།།
69a7 ཚེ་ལོ་ཉིས་བརྒྱ་ལྔ་བཅུ་པའི་མི་ཕྲ་མ་སྤོང་བ་དེ་དག་གི་བུ་དང་བུ་མོ་བཙས་པ་རྣམས་ཚེ་ལོ་ལྔ་བརྒྱ་ཐུབ་པར་འགྱུར་རོ།། ཚེ་ལོ་ལྔ་བརྒྱ་པའི་མ་རྣམས་འདི་སྙམ་དུ། ཀྱེ་དགེ་བའི་ཆོས་རྣམས་ཡང་དག་པར་བླངས
iiif viewer powered by OpenSeadragon
