| e-texts navigator |
| Wylie |
68a1 དེ་དག་གཅིག་གིས་གཅིག་མཐོང་ན་ཤས་ཆེར་བྱམས་པ་དང་། སྡུག་པ་དང་། གུས་པ་དང་། སྙིང་བརྩེ་བའི་སེམས་ཉེ་བར་གནས་པར་འགྱུར་ཏེ། འདི་སྐད་དུ། ཀྱེ་ཀྱེ་མ་སེམས་ཅན་གསོན
68a2 བོཔོ་མཐོང་ངོ་། ། ཀྱེ་མ་སེམས་ཅན་གསོན་པོ་མཐོང་ངོ་ཞེས་འཛེར་ཏོ།། བར་གྱི་སྡོམ་ལ། རིང་དུ་གང་འཚོ་མ་དང་བུ་མོ་དང་།། གོས་དང་ཟས་དང་ནུབ་པར་འགྱུར་བ་དང་།། རྒྱན་རྣམས
68a3 དང་ནི་བཀུར་དང་སྣང་བ་དང་། ། ཞག་བདུན་གནས་རྣམས་སུ་ནི་མཚོན་ཆ་འབྱུང་།། སེམས་ཅན་དེ་དག་འདི་སྙམ་དུ། བདག་ཅག་མཚོན་ཆས་སྲོག་གཅོད་པ་འདིས། གཅིག་ལ་གཅིག་རྣམ་པར
68a4 བརླག་པ་ལ་ཞུགས་པས་གཉེན་འདུན་ཟད་པར་གྱུར་ཅིང་། ལོངས་སྤྱོད་ཟད་པ་དང་། ནོར་ཟད་པར་འགྱུར་གྱིས། བདག་ཅག་གིས་དགེ་བའི་ཆོས་འགའ་ཞིག་ཡང་དག་པར་བླངས་ཏེ་འཁོད་པར་བྱ་ན།
68a5 བདག་ཅག་གིས་དགེ་བའི་ཆོས་གང་ཞིག་ཡང་དག་པར་བླངས་ཏེ་འཁོད་པར་བྱ་སྙམ་དུ་སེམས་སོ།། དེ་དག་འདི་སྙམ་དུ་ཀྱེ་བདག་ཅག་ནི་སྲོག་གཅོད་པ་ཡིན་གྱིས། བདག་གིས་མཚོན་ཆས་སྲོག
68a6 གཅོད་པ་སྤང་བར་བྱའོ་ཞེས་ནས། དེ་དག་མཚོན་ཆས་སྲོག་གཅོད་པ་སྤོང་ངོ་།། ཚེ་ལོ་བཅུ་པའི་མི་མཚོན་ཆས་སྲོག་གཅོད་པ་དེ་དག་སྤོང་བ་དེ་དག་གི་བུ་དང་། བུ་མོ་བཙས་པ་རྣམས་ཚེ་ལོ་ཉི་ཤུ་ཐུབ
68a7 པར་འགྱུར་རོ། ། ཚེ་ལོ་ཉི་ཤུའི་མི་རྣམས་འདི་སྙམ་དུ། ཀྱེ་དགེ་བའི་ཆོས་རྣམས་ཡང་དག་པར་བླངས་པའི་ཕྱིར་ཚེ་ཡང་ནུར་ལ་ཁ་དོག་དང་། སྟོབས་དང་། བདེ་བ་དང་། ལོངས་སྤྱོད་དག་ཀྱི་འ
iiif viewer powered by OpenSeadragon
