| e-texts navigator |
| Wylie |
67b1 ཞིང་འཇེབས་པ་དང་། དེ་དག་གིས་གཅིག་ལ་གཅིག་སྲོག་དང་བྲལ་བར་བྱེད་དེ། གཉེན་འདུན་ཟད་པ་དང་། ལོངས་སྤྱོད་ཟད་པ་དང་། ནོར་ཟད་པར་ཡང་འགྱུར་རོ།། མཚོན་གྱི་བར་གྱི་བསྐལ་པ
67b2 དེ་ཡང་ཞག་བདུན་ཁོ་ནར་ཟད་དེ། ཞག་བདུན་འདས་ནས་མཐར་ཐུག་པར་བརྗོད་པར་བྱའོ།། དེའི་ཚེ་གང་ཡང་རུང་སྟེ། འཆི་བ་དེ་དག་ཐམས་ཅད་ལུས་དང་བྲལ་ནས། སེམས་ཅན་དམྱལ་བ
67b3 རྣམས་སུ་སྐྱེ་བར་འགྱུར་རོ། ། དེ་ན་མི་གང་དག་མཚོན་གྱི་བར་གྱི་བསྐལ་པ་དེས་དོགས་ཤིང་འཛེམ་པར་འགྱུར་ལ། སྨོད་ཅིང་རྣམ་པར་སྨོད་པ་དེ་དག་ལས་ཁ་ཅིག་ཆུའི་རྫོང་དང་། རིའི་རྫོང་དང་། རྩཝ་སྟུག
67b4 པོ་དང་། ནགས་སྟུག་པོ་དག་ཏུ་ཞུགས་ཏེ། དེར་ཞག་བདུན་གྱི་བར་དུ་རྩཝ་དང་ཆུས་འཚོ་ཞིང་འདུག་ན། གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དག་ཏུ་ཕྱིར་ལྡེག་སྟེ།
67b5 སེམས་ཅན་དེ་དག་གཅིག་གིས་གཅིག་མཐོང་ན་ཤས་ཆེར་བྱམས་པ་དང་། སྡུག་པ་དང་། གུས་པ་དང་། སྙིང་བརྩེ་བའི་སེམས་ཉེ་བར་གནས་པར་འགྱུར་ཏེ། འདི་སྐད་དུ། ཀྱེ་ཀྱེ་མ་སེམས་ཅན་གསོན་པོ་མཐོང་ངོ་།། །
67b6 ཀྱེ་ཀྱེ་མ་སེམས་ཅན་གསོན་པོ་མཐོང་ངོ་ཞེས་ཀྱང་འཛེར་ཏེ། དཔེར་ན་ད་ལྟར་གྱི་མ་རྣམས་ཀྱི་མ་ལ་བུ་གཅིག་པ་སྡུག་ཅིང་ཡིད་དུ་འོང་བ་ཞིག་ཡོད་ལ། ཟླ་བ་བརྒྱད་དམ། དགུ་ལོན་ཏེ་ཕྲད་ན་ཤས་ཆེར
67b7 བྱམས་པ་དང་། སྡུག་པ་དང་། གུས་པ་དང་། སྙིང་བརྩེ་བའི་སེམས་ཉེ་བར་གནས་ཏེ། འདི་སྐད་དུ། ཀྱེ་མ་བུ་གསོན་པོ་མཐོང་ངོ་།། ཀྱེ་མ་བུ་གསོན་པོ་མཐོང་ངོ་ཞེས་ཟེར་བ་དེ་བཞིན་དུ། སེམས་ཅན
iiif viewer powered by OpenSeadragon
