| e-texts navigator |
| Wylie |
66b1 ཀྱི་གོས་ཀ་ཤི་ཀའི་རས་ཕྲ་མོ་འམ། ཟར་མའི་རས་ཕྲ་མོ་འམ། དུ་གུ་ལའི་རས་ཕྲ་མོ་འམ། ཀོ་ཏམ་པའི་རས་ཕྲ་མོ་མཆོག་ཡིན་པ་དེ་བཞིན་དུ། ཚེ་ལོ་བཅུ་པའི་མི་རྣམས་ཀྱི་གོས་ཀྱི་ནང་ན་སྐྲའི་ལ་བ
66b2 མཆོག་ཏུ་འགྱུར་རོ། ། ཚེ་ལོ་བཅུ་པའི་མི་རྣམས་ཀྱི་ཁཟས་ཀྱི་ནང་ན་ཁྲེ་རྒོད་མཆོག་ཏུ་འགྱུར་ཏེ། དཔེར་ན་ད་ལྟར་གྱི་མི་རྣམས་ཀྱི་ཁ་ཟས་ཀྱི་ནང་ན་འབྲས་སཱ་ལུའི་ཆན་ནག་པོའི་བག་བསལ་བ། ཚོད་མ་དང་།
66b3 འཁུར་བ་དང་། བྱ་ན་སྣ་ཚོགས་དང་ལྡན་པ་མཆོག་ཡིན་པ་དེ་བཞིན་དུ། ཚེ་ལོ་བཅུ་པའི་མི་རྣམས་ཀྱི་ཁ་ཟས་ཀྱི་ནང་ན་ཀོ་ཏྲ་བ་མཆོག་ཏུ་འགྱུར་རོ།། ཚེ་ལོ་བཅུ་པའི་མི་རྣམས་ཀྱི་རོ་རྣམ་པ་ལྔ་ནུབ་པར་འགྱུར་ཏེ།
66b4 ལྔ་གང་ཞེ་ན། འོ་མ་ཡང་ཡོད། ཞོ་ཡང་ཡོད་མོད་ཀྱི། མར་མི་འབྱུང་ངོ་།། ཏིལ་ཡང་ཡོད། ཏིལ་གྱི་ཕྱེ་མ་ཡང་ཡོད་མོད་ཀྱི། ཏིལ་མར་མི་འབྱུང་ངོ་།། སྦྲང་བུ་ཡང་ཡོད། སྦྲང་ཚོལ་ཡང་ཡོད་མོད
66b5 ཀྱི་སྦྲང་རྩི་མ་འབྱུང་ངོ་། ། བུ་རམ་ཤིང་ཡང་ཡོད། ཁུ་བ་ཡང་ཡོད་མོད་ཀྱི། བུ་རམ་མི་འབྱུང་ངོ་།། ལན་ཚྭ་ནི་གཏན་མེད་པར་འགྱུར་རོ།། ཚེ་ལོ་བཅུ་པའི་མི་རྣམས་མཚོན་ཆས་བརྒྱན་པར་འགྱུར་ཞིང་།།
66b6 མཚོན་ཆས་གཤག་པར་འགྱུར་ཏེ། དཔེར་ན་ད་ལྟར་གྱི་མི་རྣམས་ཀྱི་རྒྱན་མགུལ་གདུབ་བམ། གདུ་བུ་རྒྱན་ཅན་ནམ། རྣ་ཆ་གདུབ་ཀོར་རྣམས་སམ། དཔུང་རྒྱན་རྣམས་སམ། ལག་པའི་རྒྱན
66b7 རྣམས་སམ། རྐང་པའི་རྒྱན་རྣམས་སམ། སོར་གདུབ་ཀྱི་རྒྱན་ནམ། གསེར་དངུལ་གྱི་འཕྲེང་བ་ཐོགས་པ་དེ་བཞིན་དུ། ཚེ་ལོ་བཅུ་པའི་མི་རྣམས་མཚོན་ཆས་བརྒྱན་ཅིང་། མཚོན་ཆས་བཞག་གོ།
iiif viewer powered by OpenSeadragon
