| e-texts navigator |
| Wylie |
65b1 ནི་བསྐལ་པ་ཞིག་པར་གནས་སོ། ། གྲངས་མེད་པ་དག་གིས་ནི་བསྐལ་པ་འཆགས་སོ།། གྲངས་མེད་པ་དག་གིས་ནི་བསྐལ་པ་ཆགས་པར་གནས་སོ་ཞེས་གསུངས་ཏེ། བར་གྱི་བསྐལ་པ་བརྒྱད་ཅུ་ལ་ནི
65b2 བསྐལ་པ་ཆེན་པོ་གཅིག་སྟེ། བར་གྱི་བསྐལ་པ་ཉི་ཤུས་ནི་འཇིག་རྟེན་འཇིག་གོ།། བར་གྱི་བསྐལ་པ་ཉི་ཤུས་ནི་འཇིག་རྟེན་ཞིག་པར་གནས་སོ།། བར་གྱི་བསྐལ་པ་ཉི་ཤུས་ནི་འཇིག་རྟེན་འཆགས་སོ།།
65b3 བར་གྱི་བསྐལ་པ་ཉི་ཤུས་ནི་འཇིག་རྟེན་ཆགས་པར་གནས་སོ།། འཇིག་རྟེན་འཇིག་པ་ནི་རྣམ་པ་གསུམ་སྟེ། མེས་འཇིག་པ་དང་། ཆུས་འཇིག་པ་དང་། རླུང་གིས་འཇིག་པའོ།། འཇིག་པ་གསུམ་གྱི་རྩེ
65b4 མོ་ནི་འོད་གསལ་བ་དང་། དགེ་རྒྱས་པ་དང་། འབྲས་བུ་ཆེ་བ་རྣམས་ཏེ། གང་གི་ཚེ་མེས་འཇིག་པ་འབྱུང་བ་དེའི་ཚེ། འོད་གསལ་གྱི་ལྷ་རྣམས་ལ་འཇིག་པའི་རྩེ་མོ་ཐུབ་བོ།། གང་གི་ཚེ་ཆུས་འཇིག
65b5 པ་འབྱུང་བ་དེའི་ཚེ། དགེ་རྒྱས་ཀྱི་ལྷ་རྣམས་ལ་འཇིག་པའི་རྩེ་མོ་ཐུག་གོ།། གང་གི་ཚེ་རླུང་གིས་འཇིག་པ་འབྱུང་བ་དེའི་ཚེ། འབྲས་བུ་ཆེ་བའི་ལྷ་རྣམས་ལ་འཇིག་པའི་རྩེ་མོ་ཐུབ་བོ།། མེས་འཇིག་པ་ལན
65b6 བདུན་ཞིང་ཆུས་འཇིག་པ་ལན་ཅིག། ཆུས་འཇིག་པ་ལན་བདུན་ཞིང་རླུང་གིས་འཇིག་པ་ལན་ཅིག་འབྱུང་ངོ་།། བར་གྱི་བསྐལ་པ་ནི་གསུམ་སྟེ། མཚོན་གྱི་བར་གྱི་བསྐལ་པ་དང་། ནད་ཀྱི་བར་གྱི་བསྐལ་པ་དང་།
65b7 མུ་གེའི་བར་གྱི་བསྐལ་པ་དང་། བསྐལ་པ་ནི་མཚོན་དང་། ནད་དང་། མུ་གེས་མཐར་ཐུག་པར་འགྱུར་རོ།། གང་གི་ཚེ་མཚོན་གྱི་བར་གྱི་བསྐལ་པ་འོང་དུ་ཆ་ཞིང་འབྱུང་དུ་ཉེ་བར་གྱུར་པ་དེའི་ཚེ། མི་རྣམས་ཀྱིས
iiif viewer powered by OpenSeadragon
