| e-texts navigator |
| Wylie |
65a1 མོ་ཡང་ཡུད་ཙམ་བཅོ་ལྔ། ཉིན་མོ་ཡང་ཡུད་ཙམ་བཅོ་ལྔ་ཡོད་དོ།། ཚེས་བཞི་ཡོད་དེ། བཞི་གང་ཞེ་ན། སྐད་ཅིག་དང་། དེའི་སྐད་ཅིག་དང་། ཐང་ཅིག་དང་། ཡུད་ཙམ
65a2 རྣམས་སོ། ། སྐད་ཅིག་བརྒྱ་ཉི་ཤུ་ལ་དེའི་སྐད་ཅིག་གོ།། དེའི་སྐད་ཅིག་དྲུག་ཅུ་ལ་ནི་ཐང་ཅིག་གོ།། ཐང་ཅིག་སུམ་ཅུ་ལ་ནི་ཡུད་ཙམ་གཅིག་གོ། ཡུད་ཙམ་སུམ་ཅུ་ལ་ནི་ཉིན་ཞག་གཅིག་གོ།
65a3 ཉིན་ཞག་སུམ་ཅུ་ཆ་གཅིག་ནི་ཡུད་ཙམ་གཅིག་གོ།། ཡུད་ཙམ་སུམ་ཅུ་ཆ་གཅིག་ནི་ཐང་ཅིག་གཅིག་གོ། ཐང་ཅིག་དྲུག་ཅུ་ཆ་གཅིག་ནི་དེའི་སྐད་ཅིག་གོ། དེའི་སྐད་ཅིག་བརྒྱ་ཉི་ཤུ་ཆ་གཅིག་ནི
65a4 སྐད་ཅིག་གོ། ། སྐད་ཅིག་གི་ཚད་ཇི་ཙམ་ཞེ་ན། འདི་ལྟ་སྟེ། བུད་མེད་པ་ལ་འཁལ་བ་འབྲིང་གིས་ཧ་ཅང་ཡང་མི་རིང་། ཧ་ཅང་ཡང་མི་ཐུང་བར་བལ་སྙོད་པ་དེ་ཙམ་གྱི་ཡུན་ནི་སྐད་ཅིག་གི་ཚད་ཡིན་ནོ།།
65a5 དེ་ལྟ་བུའི་སྐད་ཅིག་བརྒྱ་ཉི་ཤུ་ལ་དེའི་སྐད་ཅིག་གོ།། དེའི་སྐད་ཅིག་དེ་ལྟ་བུ་དྲུག་ཅུ་ལ་ཐང་ཅིག་གོ། ཐང་ཅིག་དེ་ལྟ་བུ་སུམ་ཅུ་ལ་ཡུད་ཙམ་ཅིག་གོ།། ཡུད་ཙམ་དེ་ལྟ་བུ་སུམ་ཅུ་ལ་ཉིན་ཞག་གཅིག
65a6 གོ་ཉིན་ཞག་དེ་སུམ་ཅུ་ལ་ཟླ་བ་གཅིག་གོ། ། ཟླ་བ་བཅུ་གཉིས་ལ་ལོ་གཅིག་གོ།། འཇིག་རྟེན་བཞག་པ་ལས་ཚོགས་བཅུ་པའོ།། །། བམ་པོ་ལྔ་པ།།
65a7 ། གླེང་གཞི་ནི། ཡུལ་མཉན་དུ་ཡོད་པ་སྟེ། བཅོམ་ལྡན་འདས་ཀྱིས་འདི་སྐད་དུ། བསྐལ་པ་ནི་གྲངས་མེད་པ་བཞི་སྟེ། གྲངས་མེད་པདག་གིས་ནི་བསྐལ་པ་འཇིག་གོ།། གྲངས་མེད་བདག་གིས
iiif viewer powered by OpenSeadragon
