| e-texts navigator |
| Wylie |
64b1 ནས་མགོ་ལ་བས་དཀྲིས་ཏེ། ས་ལ་གན་ཀྱལ་དུ་ཉལ་བ་བཞིན་དུ་ནམ་མཁའ་ལ་སར་འདུ་ཤེས་པ་ཡིན་ནོ།། ལོ་གཅིག་ལ་དུས་གཅིག་ཏུ། མཚན་མོ་ནི་ཡུད་ཙམ་བཅོ་བརྒྱད། ཉིན་མོ་ནི་ཡུད་ཙམ
64b2 བཅུ་གཉིས་པ་ཡོད་དེ། ལོ་གཅིག་ལ་དུས་གཅིག་ཏུ་མཚན་མོའི་ཡུད་ཙམ་བཅོ་བརྒྱད། ཉིན་མོ་ནི་ཡུད་ཙམ་བཅུ་གཉིས་པ་དེ་གང་ཞེ་ན། དགུན་ཟླ་ཐ་ཆུང་ཡར་གྱི་ངོ་ཚེས་བརྒྱད་ལ་མཚན་མོ་ནི་ཡུད་ཙམ
64b3 བཅོ་བརྒྱད། ཉིན་མོ་ཡུད་ཙམ་བཅུ་གཉིས་ཡོད་དོ།། ཚེས་དགུ་ཕན་ཆད་ནི་མཚན་མོ་ནི་འབྲི། ཉིན་མོ་ནི་སྐྱེ་སྟེ། མཚན་མོ་ནི་ཐང་ཅིག་རེ་རེས་འབྲིའོ།། ཉིན་མོ་ནི་ཐང་ཅིག་རེ་རེས་སྐྱེའོ།། ལོ
64b4 གཅིག་ལ་དུས་གཅིག་ཏུ་ཉིན་མོ་ནི་ཡུད་ཙམ་བཅོ་བརྒྱད། མཚན་མོ་ནི་ཡུད་ཙམ་བཅུ་གཉིས་ཡོད་དོ།། ལོ་གཅིག་ལ་དུས་གཅིག་ཏུ་ཉིན་མོ་ནི་ཡུད་ཙམ་བཅོ་བརྒྱད། མཚན་མོ་ནི་ཡུད་ཙམ་བཅུ་གཉིས
64b5 པ་གང་ཞེ་ན། སྨྲས་པ། དབྱར་ཟླ་ཐ་ཆུང་ཡར་གྱི་ངོ་ཚེས་བརྒྱད་ཀྱི་ཉིན་མོ་ནི་ཡུད་ཙམ་བཅོ་བརྒྱད། མཚན་མོ་ནི་ཡུད་ཙམ་བཅུ་གཉིས་ཡོད་དོ།། ཚེས་དགུ་ཕན་ཆད་ཀྱི་ཉིན་མོ་ནི་འབྲི། མཚན་མོ
64b6 ནི་སྐྱེ་སྟེ། ཉིན་མོ་ནི་ཐང་ཅིག་རེ་རེས་འབྲིའོ།། མཚན་མོ་ནི་ཐང་ཅིག་རེ་རེས་སྐྱེའོ།། ལོ་གཅིག་ལ་དུས་གཉིས་སུ་མཚན་མོ་ཡང་ཡུད་ཙམ་བཅོ་ལྔ། ཉིན་མོ་ཡང་ཡུད་ཙམ་བཅོ་ལྔ་པ་ཡོད་དེ། ལོ་གཅིག
64b7 ལ་དུས་གཉིས་སུ་མཚན་མོ་ཡང་ཡུད་ཙམ་བཅོ་ལྔ། ཉིན་མོ་ཡང་ཡུད་ཙམ་བཅོ་ལྔ་པ་དེ་གང་ཞེ་ན། སྤྲས་པ། དཔྱིད་ཟླ་ཐ་ཆུང་ཡར་གྱི་ངོ་ཚེས་བརྒྱད་དང་། སྟོན་ཟླ་ཐ་ཆུང་ཡར་གྱི་ངོ་ཚེས་བརྒྱད་ལ་མཚན
iiif viewer powered by OpenSeadragon
