| e-texts navigator |
| Wylie |
64a1 རི་མོར་བྱས། མཆོད་པར་བྱས་ནས་དགའ་ཞིང་མགུ་ལ་ཡི་རིངས་ཏེ། བཀུར་སྟི་བྱེད་ཅིང་ཉེ་བར་བསྟེན་ཏེ་གནས་ལ། སེམས་ཀྱིས་ལུང་བསྟན་པ་མ་ཡིན་ནོ།། སེམས་ཅན་ཆུ་དང་།
64a2 མེ་དང་། རླུང་ལ་བདག་ཏུ་འདུ་ཤེས་པ་དག་ཀྱང་ཡོད་དེ། རླུང་གང་ཡིན་པ་དེ་ནི་བདག་ཡིན་ལ། བདག་གང་ཡིན་པ་དེ་ནི་རླུང་ཡིན་ཏེ། དེ་ལྟར་རླུང་དང་བདག་གཉིས་སུ་དབྱེར་མེད་ཅིང་ཐ་དད་པ་མ་ཡིན་ཏེ།།
64a3 བདག་གི་བདག་ནི་རྫོགས་པ་ཡིན་ནོ་ཞེས་ནས། དེ་དག་རླུང་ལ་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པར་བྱེད། དེ་དག་གིས་བཀུར་སྟི་བྱས། བཙུན་པར་བྱས། རི་མོར་བྱས།
64a4 མཆོད་པར་བྱས་ནས། དགའ་ཞིང་མགུ་ལ་ཡི་རངས་ཏེ། བཀུར་སྟི་བྱེད་ཅིང་ཉེ་བར་བསྟེན་ཏེ་གནས་ལ། སེམས་ཀྱིས་ལུང་བསྟན་པ་མ་ཡིན་ནོ།། སེམས་ཅན་ས་ལ་ནམ་མཁར་འདུ་ཤེས་པ་དག་ཀྱང
64a5 ཡོད་ནམ་མཁའ་ལ་སར་འདུ་ཤེས་པ་དག་ཀྱང་ཡོད་དོ། ། ས་ལ་ནམ་མཁར་འདུ་ཤེས་པ་ཇི་ལྟ་བུ་ཞེ་ན། ཏིལ་རྨེད་པའི་མི་ལ་ལ་ཞིག་གིས་ལྗོན་པ་རྐོ་བའི་མི་ལ་ལ་འགའ་ཞིག་ལ་འདི་སྐད་དུ། ཀྱེ་སྡོང
64a6 པོ་མེ་རེག་མ་འདྲ་བའི་མི་གླང་མཐོང་ངམ་ཞེས་སྨྲས་སོ། ། དེས་སྤྲས་པ། མ་མཐོང་ངོ་།། ཏིལ་ཟ་འམ། མ་ཟི་འམ། སྤྲས་པ། མི་ཟའོ་ཞེས་སོ།། དེ་ལྟར་ན་ས་ལ་ནམ་མཁར་འདུ་ཤེས་པ་ཡིན་ནོ།།
64a7 ཇི་ལྟར་ནམ་མཁའ་ལ་སར་འདུ་ཤེས་ཤེ་ན། སྤྲས་པ། ཇི་ལྟར་བྲམ་ཟེ་ལ་ལ་ཞིག་བོང་བུའི་ཤིང་རྟ་ལ་བབས་ཏེ། བོང་བུའི་ཤིང་རྟ་ཕུར་བུ་ལ་བཏགས་ནས་ཕུར་བུ་ནམ་མཁའ་ལ་བཏབ་སྟེ་བཙུགས
iiif viewer powered by OpenSeadragon
