| e-texts navigator |
| Wylie |
63b1 འཇིག་རྟེན་བཞག་པ་ལས་ཚིགས་དགུ་པའོ།། སྡོམ་ལ། འབྱུང་བ་ཆེན་པོར་འདུ་ཤེས་དང་།། བདག་ཏུ་ཡང་ནི་འདུ་ཤེས་པ།། ནམ་མཁའ་ལ་ནི་སར་འདུ་ཤེས།། དུས་ནི་གཉིས་སུ
63b2 བྱས་པ་དང་། ། སྐད་ཅིག་པ་ནི་ཐ་མ་ཡ་ནི།། འབྱུང་བ་ཆེན་པོ་བཞི་ནི། སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་སོ།། སེམས་ཅན་ས་ལ་སར་འདུ་ཤེས་པ་དག་ཀྱང་ཡོད་དོ།།
63b3 ཆུར་འདུ་ཤེས་པ་དག་ཀྱང་ཡོད། མེར་འདུ་ཤེས་པ་དག་ཀྱང་ཡོད། རླུང་དུ་འདུ་ཤེས་པ་དག་ཀྱང་ཡོད་དོ།། སེམས་ཅན་ཆུ་ལ་ཡང་སར་འདུ་ཤེས་པ་དག་ཀྱང་ཡོད་དོ།། ཆུར་འདུ་ཤེས་པ་དག་ཀྱང་ཡོད། མེར
63b4 འདུ་ཤེས་པ་དག་ཀྱང་ཡོད། རླུང་དུ་འདུ་ཤེས་པ་དག་ཀྱང་ཡོད་དོ།། སེམས་ཅན་མེ་ལ་སར་འདུ་ཤེས་པ་དག་ཀྱང་ཡོད། ཆུར་འདུ་ཤེས་པ་དག་ཀྱང་ཡོད། མེར་འདུ་ཤེས་པ་དག་ཀྱང་ཡོད། རླུང་དུ་འདུ
63b5 ཤེས་པ་དག་ཀྱང་ཡོད་དོ། ། སེམས་ཅན་རླུང་ལ་སར་འདུ་ཤེས་པ་དག་ཀྱང་ཡོད། ཆུར་འདུ་ཤེས་པ་དག་ཀྱང་ཡོད། མེར་འདུ་ཤེས་པ་དག་ཀྱང་ཡོད། རླུང་དུ་འདུ་ཤེས་པ་དག་ཀྱང་ཡོད་དོ།། སེམས
63b6 ཅན་ས་ལ་བདག་ཏུ་འདུ་ཤེས་པ་དག་ཀྱང་ཡོད་དེ། སའི་ཁམས་གང་ཡིན་པ་དེ་ནི་བདག་ཡིན་ལ། བདག་གང་ཡིན་པ་དེ་ནི་ས་ཡིན་ཏེ། དེ་ལྟར་ས་དང་བདག་གཉིས་སུ་དབྱེར་མེད་ཅིང་ཐ་དད་པ་མ་ཡིན
63b7 ཏེ། བདག་གི་བདག་ནི་རྫོགས་པ་ཡིན་ནོ་ཞེས་ནས། དེ་དག་ས་ལ་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པར་བྱེད་དོ།། དེ་དག་གིས་བཀུར་སྟིར་བྱས། བཙུན་པར་བྱས
iiif viewer powered by OpenSeadragon
