| e-texts navigator |
| Wylie |
62b1 ནི་ལེགས་པར་འགྲེམས་ཏེ། འདི་སྐད་དུ། ལྷ་རྣམས་བསོད་ནམས་དབང་གི་རྐྱེན་གྱིས་ན།། གཞལ་མེད་ཁང་མཆོག་དག་ན་རླུང་ཆེན་ལྡང་།། མེ་ཏོག་རྙིང་པ་རྣམས་ནི་འདོར་བར་བྱེད།། མེ་ཏོག་གསར་པ་རྣམས་ནི
62b2 ལེགས་པར་འགྲེམས། ། ཞེས་ཀྱང་བྱའོ།། དེ་དག་གི་ནང་ན་རྫིང་བུ་བྱས་པ་དག་ཡོད་དེ། རྫིང་བུ་དེ་དག་ཀྱང་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས
62b3 བྱས་པའི་ཕ་གུ་རྣམ་པ་བཞིས་བརྩིགས་སོ། ། རྫིང་བུ་དེ་དག་གི་ཕྱོགས་བཞིན་ཡང་ཐེམ་སྐས་བྱས་པ་དག་ཡོད་དེ། ཐེམ་སྐས་དེ་དག་ཀྱང་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ
62b4 ལས་བྱས་པ་དང་། ཤེལ་ལས་བྱས་པའི་ཕ་གུ་རྣམ་པ་བཞིས་བརྩིགས་སོ།། རྫིང་བུ་དེ་དག་ཀྱང་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས་བྱས
62b5 པའི་ལན་ཀན་རྣམ་པ་བཞིས་ཀུན་ནས་བསྐོར་རོ། ། གསེར་གྱི་ལན་ཀན་གྱི་རྟེན་མ་དང་། གདང་བུ་དང་། གཟུང་གཟེར་ནི་དངུལ་ལས་བྱས་སོ།། དངུལ་གྱི་ནི་གསེར་ལས་བྱས་སོ།། བཻ་ཌཱུཪྻའི་ནི་ཤེལ་ལས
62b6 བྱས་སོ། ། ཤེལ་གྱི་རྗེན་མ་དང་། གདང་བུ་དང་། གཟུང་གཟེར་ནི་བཻ་ཌཱུཪྻ་ལས་བྱས་ཏེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ། ཆུ་བསིལ་བ་དང་། ཆུ་སྦྲང་རྩི་ལྟ་བུས་གང་པོ་སྟེ། མེ་ཏོག་ཨུཏྤ
62b7 ལ་དང་། པདྨ་དང་། ཀུ་མུ་ད་དང་། པདྨ་དཀར་པོས་ཡོངས་སུ་ཁེབས་ཏེ། ཆུ་ནས་སྐྱེས་པའི་བྱ་སྣ་ཚོགས་སྐད་སྙན་ཅིང་འཇེབས་པ་དང་། སྐད་ཡིད་དུ་འོང་བ་དང་། སྐད་མཉེན་པ་དང་། འདོད་དགུར་སྦྱར
iiif viewer powered by OpenSeadragon
