| e-texts navigator |
| Wylie |
62a1 བསྟེན་པ་དང་། སིལ་སྙན་དང་། ཕེག་རྡོབ་པ་དག་གིས་སྒྲ་སྙན་པ་སྒྲོགས་པ་དང་། དྲི་སྣ་ཚོགས་ཀྱིས་ལེགས་པར་བསྒོས་པ་དང་། ཁ་ཟས་དང་། བཏུང་བ་དང་ལྡན་པ་དག
62a2 ཡོད་དེ། དེ་ན་ལྷའི་བུ་ཉི་མ་འཁོར་དང་བཅས་པ་རྩེ་ཞིང་དཀའ་ལ་དགའ་དགུར་སྤྱོད་དེ། རང་གི་ལས་ཀྱི་འབྲས་བུ་ཉམས་སུ་མྱོང་ངོ་།། སྐར་མའི་གཟུགས་རྣམས་ཀྱི་ཚད་ཇི་ཙམ་ཞེ་ན། སྨྲས་པ། སྐར་མའི
62a3 གཟུགས་རྣམས་ཐམས་ཅད་ཀྱི་ནང་ན་ཆེ་བ་གང་ཡིན་པ་དེ་དག་གི་ནི་རྒྱང་གྲགས་བཅོ་བརྒྱད་པའོ། ། ཐམས་ཅད་ཀྱི་ནང་ན་ཆུང་བ་གང་ཡིན་པ་དེ་དག་ནི་རྒྱང་གྲགས་གསུམ་པའོ།། ཕལ་ཆེར་ནི་རྒྱང་གྲགས་བཅུ
62a4 པ་དང་། བཅུ་གཉིས་པ་ཡིན་ཏེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་ཤེལ་ལས་བྱས་པ་སྟེ། གསེར་གྱི་ར་བས་ཀུན་ནས་བསྐོར་རོ།། ར་བ་དེ་ལ་རྩིག་སྐྱབས་གསེར་ལས་བྱས་པ་དང་། དངུལ
62a5 ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས་བྱས་པ་རྣམ་པ་བཞི་དང་། མདའ་ཡབ་དང་། ལྟད་མོ་ལྟ་བའི་ས་རྣམ་པ་བཞི་ཡོད་དོ།། དེའི་ནང་གི་ས་གཞི་ཡང་དབྱིབས་ལེགས་ཤིང
62a6 བལྟ་ན་སྡུག་ལ་མཛེས་པ། བྲིས་ཤིང་ལེགས་པར་བྲིས་ལ། ཚོན་སྣ་བརྒྱ་རྩ་གཅིག་གིས་བྲིས་ཏེ། འཇམ་ཞིང་ཤིན་ཏུ་འཇམ་པ་ནི། དཔེར་ན་ཤིང་བལ་གྱི་འདའ་བ་འམ། རས་བལ་གྱི་འདའ་བ་བཞིན་ཏེ།
62a7 རྐང་པ་བཞག་ན་ནི་ནེམས་ཞེས་བྱེད། རྐང་པ་བཏེག་ན་ནི་ཕར་ཞེས་བྱེད་ལ། མེ་ཏོག་མནྡར་བདག་གིས་པུས་མོ་ནུབ་པ་ཙམ་དུ་ཁེབས་ཏེ། རླུང་གི་མཐུས་མེ་ཏོག་རྙིང་པ་རྣམས་ནི་འདོར།། མེ་ཏོག་གསར་པ་རྣམས
iiif viewer powered by OpenSeadragon
