| e-texts navigator |
| Wylie |
60b1 པ་སྟེ། གསེར་གྱི་རབས་ཀུན་ནས་བསྐོར་རོ།། ར་བ་དེའི་འཕང་དུ་ཡང་དཔག་ཚད་ཕྱེད་ཡོད་ལ། ར་བ་དེའི་རྩིག་སྐྱབས་འདི་ལྟ་སྟེ། གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས
60b2 བྱས་པ་དང་། ཤེལ་ལས་བྱས་པ་རྣམ་པ་བཞི་དང་། གྱེན་དུ་འཕང་བའི་མདའ་ཡབ་དང་། ཐུར་དུ་འཕྱང་བའི་མདའ་ཡབ་དང་། ཟམ་པ་རྒྱུད་མ་རྣམ་པ་བཞི་དག་ཡོད་དོ།། དེའི་ནང་གི་ས་གཞི་དབྱིབས
60b3 ལེགས་ཤིང་བལྟ་ན་སྡུག་ལ་མཛེས་པ་སྟེ། བྲིས་ཤིང་ལེགས་པར་བྲིས་པ་ནི། ཚོན་སྣ་བརྒྱ་རྩ་གཅིག་གིས་བྲིས་ཏེ། འཇམ་ཞིང་ཤིན་ཏུ་འཇམ་པ་ནི། དཔེར་ན་ཤིང་བལ་གྱི་འདའ་བ་འམ། རས་བལ་གྱི
60b4 འདའ་བ་བཞིན་ཏེ། རྐང་པ་བཞག་ན་ནི་ནེམས་ཞེས་བྱེད། རྐང་པ་བཏེག་ན་ནི་པར་ཞེས་བྱེད་ལ། མེ་ཏོག་མནྡ་ར་བ་དག་གིས་པུས་མོ་ནུབ་པ་ཙམ་དུ་ཁེབས་ཏེ། དེ་ན་མི་མ་ཡིན་པ་རྣམས་རླུང་གི་མཐུས་མེ
60b5 ཏོག་རྙིང་པ་རྣམས་ནི་འདོར། མེ་ཏོག་གསར་པ་རྣམས་ནི་ལེགས་པར་འགྲེམས་ཏེ། འདི་སྐད་དུ། ཉི་མའི་བསོད་ནམས་དབང་གི་རྐྱེན་གྱིས་ནི། ཉི་མའི་གྲོང་ཁྱེར་དག་ནས་རླུང་ཆེན་ལྡང་།། མེ་ཏོག་རྙིང་པ
60b6 རྣམས་ནི་འདོར་བར་བྱེད། ། མེ་ཏོག་གསར་པ་རྣམས་ནི་ལེགས་པར་འགྲེམས།། ཞེས་ཀྱང་བྱའོ།། ཉི་མའི་དཀྱིལ་འཁོར་གྱི་ནང་ན་ལམ་སྲང་ཆུར་དཔག་ཚད་ལྔ་བཅུ་རྩ་གཅིག། ཞེང་དུ་ཡང་དཔག་ཚད་ཕྱེད་དང་།
60b7 གཉིས་ཡོད་དེ། དབྱིབས་ལེགས་ཤིང་བལྟ་ན་སྡུག་ལ་མཛེས་པ། གསེར་གྱི་བྱེ་མ་བདལ་ཞིང་ཙན་དན་གྱི་ཆུས་ཆག་ཆག་བཏབ་པ་དེའི་གློ་གཡས་གཡོན་ན། རྫིང་བུ་བྱས་པ་དག་ཡོད་དེ། རྫིང་བུ་དེ་དག
iiif viewer powered by OpenSeadragon
