| e-texts navigator |
| Wylie |
5a1 འདོད་པ་ཉེ་བར་གནས་པ་དག་ཡོད་དེ། གང་དག་འདོད་པ་ཉེ་བར་གནས་པ་རྣམས་ལ། དབང་ཕྱུག་གི་དབང་བྱེད་པ་དག་སྟེ། འདི་ལྟ་སྟེ། མི་ཁ་ཅིག་དང་ལྷ་རྣམས་སོ།།
5a2 འདི་ནི་འདོད་པའི་སྐྱེ་གནས་དང་པོའོ།། སེམས་ཅན་འདོད་པ་སྤྲུལ་པ་དག་ཡོད་དེ། གང་དག་འདོད་པ་སྤྲུལ་པ་རྣམས་ལ་དབང་ཕྱུག་གི་དབང་བྱེད་པ་དག་སྟེ། འདི་ལྟ་སྟེ། འཕྲུལ་དགའི
5a3 ལྷ་རྣམས་སོ། ། འདི་དག་ནི་འདོད་པའི་སྐྱེ་གནས་གཉིས་པའོ།། སེམས་ཅན་འདོད་པ་གཞན་གྱི་སྤྲུལ་པ་དག་ཡོད་དེ། གང་དག་འདོད་པ་སྤྲུལ་པ་རྣམས་ལ་དབང་ཕྱུག་གི་དབང་བྱེད་པ
5a4 དག་སྟེ། འདི་ལྟ་སྟེ། གཞན་འཕྲུལ་དབང་བྱེད་ཀྱི་ལྷ་རྣམས་སོ།། འདི་ནི་འདོད་པའི་སྐྱེ་གནས་གསུམ་པའོ།། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ན། བདེ་བའི་སྐྱེ་གནས་གསུམ་ཡོད་དེ
5a5 སེམས་ཅན་གང་དག་ལུས་འདི་ཉིད་ལ་དབེན་པ་ལས་སྐྱེས་པའི་དགའ་བ་དང་། བདེ་བས་རླན་པར་བྱེད་ཅིང་། ཡོངས་སུ་རླན་པར་བྱེད་དེ། ཡོངས་སུ་ཚིམ་པར་བྱེད་ཅིང་། ཡོངས་སུ་ཁྱབ་པར
5a6 བྱེད་པ་དག་ཡོད་དོ། ། དེ་དག་ལུས་འདི་ཉིད་ལ་དབེན་པ་ལས་སྐྱེས་པའི་དགའ་བ་དང་། བདེ་བས་བརླན་པར་བྱས་ཤིང་། ཡོངས་སུ་བརླན་པར་བྱས་ཏེ། ཡོངས་སུ་ཚིམ་པར་བྱས་ཤིང
5a7 ཡོངས་སུ་ཁྱབ་པར་བྱས་ནས། བདེ་བར་རེག་པར་གནས་སོ།། དེ་དག་བདེ་བ་དེ་དང་། བདེ་བ་ལ་གནས་པ་དེས་ཚེ་རིང་ཞིང་ཡུན་རིང་པོར་གནས་ཏེ། འདི་ལྟ་སྟེ། ཚངས་རིས་ཀྱི་ལྷ
iiif viewer powered by OpenSeadragon
