| e-texts navigator |
| Wylie |
57b1 པར་དང་ཞིང་རྙོག་པ་མེད་དོ། ། གང་གི་ཚེ་འཛམ་བུའི་གླིང་དུ་ཉི་མ་འཆར་བ་དེའི་ཚེ། ཤར་གྱི་ལུས་འཕགས་སུ་ཉི་མ་ཕྱེད་དོ།། བྱང་གི་སྒྲ་མི་སྙན་ན་ནི་ནུབ་བོ།། ནུབ་ཀྱི་བ་ལང་སྤྱོད་ཀྱི་གླིང་ན་ནི་ནམ་བྱེད་དོ།།
57b2 གང་གི་ཚེ་འཛམ་བུའི་གླིང་ན་ཉི་མ་ཕྱེད་པར་གྱུར་པ་དེའི་ཚེ། ཤར་གྱི་ལུས་འཕགས་ན་ནི་ཉི་མ་ནུབ་བོ།། བྱང་གི་སྒྲ་མི་སྙན་ན་ནི་ནམ་ཕྱེད་དོ།། ནུབ་ཀྱི་བ་ལང་སྤྱོད་ཀྱི་གླིང་ན་ནི་ཉི་མ་འཆར་རོ།། གང་གི་ཚེ
57b3 འཛམ་བུའི་གླིང་དུ་ཉི་མ་ནུབ་པ་དེའི་ཚེ། ཤར་གྱི་ལུས་འཕགས་ན་ནི་ནམ་ཕྱེད་དོ།། བྱང་གི་སྒྲ་མི་སྙན་ན་ནི་ཉི་མ་འཆར་རོ།། ནུབ་ཀྱི་བ་ལང་སྤྱོད་ཀྱི་གླིང་ན་ནི་ཉི་མ་ཕྱེད་དོ།། གང་གི་ཚེ་འཛམ་བུ་གླིང་ན་ནམ
57b4 ཕྱེད་པར་གྱུར་པ་དེའི་ཚེ། ཤར་གྱི་ལུས་འཕགས་ཀྱི་གླིང་ན་ནི་ཉི་མ་འཆར་རོ།། བྱང་གི་སྒྲ་མི་སྙན་གྱི་གླིང་ན་ནི་ཉི་མ་ཕྱེད་དོ།། ནུབ་ཀྱི་བ་ལང་སྤྱོད་ཀྱི་གླིང་ན་ནི་ཉི་མ་ནུབ་བོ།། ཇི་ལྟར་འཛམ་བུའི་གླིང
57b5 ཐོག་མར་བྱས་ཏེ་བཤད་པ་དེ་བཞིན་དུ། ཤར་གྱི་ལུས་འཕགས་དང་། བྱང་གི་སྒྲ་མི་སྙན་དང་། ནུབ་ཀྱི་བ་ལང་སྤྱོད་ཀྱང་ཐོག་མར་བྱས་ཏེ་ཐམས་ཅད་བརྗོད་པར་བྱའོ།། འཛམ་བུ་གླིང་གི་ཤར་ཕྱོགས
57b6 གང་ཡིན་པ་དེ། ཤར་གྱི་ལུས་འཕགས་ཀྱི་ནི་ལྷོ་ཕྱོགས་སོ།། བྱང་གི་སྒྲ་མི་སྙན་གྱི་ནི་ནུབ་ཕྱོགས་སོ།། ནུབ་ཀྱི་བ་ལང་སྤྱོད་ཀྱི་ནི་བྱང་ཕྱོགས་སོ།། འཛམ་བུ་གླིང་གི་ལྷོ་ཕྱོགས་གང་ཡིན་པ་དེ།
57b7 ཤར་གྱི་ལུས་འཕགས་ཀྱི་ནི་ནུབ་ཕྱོགས་སོ།། བྱང་གི་སྒྲ་མི་སྙན་གྱི་ནི་བྱང་ཕྱོགས་སོ།། ནུབ་ཀྱི་བ་ལང་སྤྱོད་ཀྱི་ནི་ཤར་ཕྱོགས་སོ།། འཛམ་བུ་གླིང་གི་ནུབ་ཕྱོགས་གང་ཡིན་པ་དེ། ཤར་གྱི་ལུས་འཕག
iiif viewer powered by OpenSeadragon
