| e-texts navigator |
| Wylie |
57a1 སྒྲིབ་པ་ཉི་མ་དང་བྲལ་ཞིང་འགྲོ་སྟེ། ཉི་མ་དང་བྲལ་ཞིང་འགྲོ་བ་དེ་རང་གི་དཀྱིལ་འཁོར་ལས་གྲིབ་མ་ཆུང་ངུར་འགྱུར་ཏེ། གྲིབ་མ་ཆུང་ངུར་གྱུར་པས། དེའི་དཀྱིལ་འཁོར་གྱི་ཕྱོགས
57a2 སྣང་བར་གྱུར་ཏེ། དེའི་ཕྱིར་ན་ཟླ་བའི་དཀྱིལ་འཁོར་ཡར་གྱི་ངོ་ཚས་གཅིག་ཕན་ཆོད་འོད་སྐྱེ་ཞིང་ཁ་དོག་དང་། དབྱིབས་དང་། དཀྱིལ་འཁོར་དང་། ཆུ་ཞེང་དུ་སྐྱེའོ།། ཅིའི་ཕྱིར་ཟླ་བའི་དཀྱིལ་འཁོར
57a3 ཡར་གྱི་ངོ་ཚེས་བཅོ་ལྔ་ལ་རྣམ་པ་ཐམས་ཅད་དུ་ཡོངས་སུ་རྫོགས་པར་འགྱུར་ཏེ། སྨྲས་པ། ཉི་མ་དང་རྣམ་པ་ཐམས་ཅད་དུ་བྲལ་ཏེ་འགྲོ་བས་ཟླ་བའི་དཀྱིལ་འཁོར་དེ་ལས་ཉི་མའི་འོད་ཟེར་ལས་གྱུར་པའི
57a4 གྲིབ་མ་གང་དེའི་དཀྱིལ་འཁོར་ལ་བསྒྲིབ་མ་དེ་མེད་པར་གྱུར་ཏེ། དེས་དེའི་དཀྱིལ་འཁོར་སྣང་བར་འགྱུར་བས། དེའི་ཕྱིར་ན་ཟླ་བའི་དཀྱིལ་འཁོར་ཡར་གྱི་ངོ་ཚེས་བཅོ་ལྔ་ལ་རྣམ་པ་ཐམས་ཅད་དུ་ཡོངས་སུ
57a5 རྫོགས་པར་འགྱུར་རོ། ། ཅིའི་ཕྱིར་ཟླ་བའི་དཀྱིལ་འཁོར་གྱི་དབུས་རྙོག་ལ། མཐའ་རྣམ་པར་དང་ཞིང་རྙོག་པ་མེད་ཅེ་ན། སྨྲས་པ། གླིང་གི་རྐྱེན་གྱིས་དེའི་དབུས་རྙོག་ལ། ཆུའི་རྐྱེན་གྱིས་མཐའ་རྣམ
57a6 པར་དང་ཞིང་རྙོག་པ་མེད་དེ། གླིང་རྣམས་ཀྱི་གཟུགས་བརྙན་གང་ཡིན་པ་དེས་ནི་དབུས་རྙོག་ལ། ཆུའི་གཟུགས་གང་ཡིན་པ་དེས་ནི་མཐའ་རྣམ་པར་དང་ཞིང་རྙོག་པ་མེད་དོ།། གཞན་ཡང་ཟླ་བའི་དཀྱིལ
57a7 འཁོར་གྱི་སྟེང་ན། ཀུན་དགའ་ར་བ་དང་། སྐྱེད་མོས་ཚལ་རྣམས་དང་། ཁྱིམ་རྣམས་དང་། ཁང་པ་བརྩེགས་པ་རྣམས་ཡོད་པས། དེའི་ཕྱིར་ཡང་ཟླ་བའི་དཀྱིལ་འཁོར་གྱི་དབུས་རྙོག་ལ། མཐའ་རྣམ
iiif viewer powered by OpenSeadragon
