| e-texts navigator |
| Wylie |
56b1 དཔག་ཚད་བཞི་ཁྲི་ནས་ཉི་མའི་འོད་ཟེར་བྱུང་བ་རྣམས་རྒྱ་མཚོ་ཆེན་པོར་བབ་པས་གླིང་རྣམས་སུ་གྲང་བར་གྱུར་ཏེ། དེའི་ཕྱིར་དགུན་གྲང་ངོ་།། ཅིའི་ཕྱིར་དཔྱིད་དང་དབྱར་དྲོ་བར་གྱུར་ཅེ་ན། སྨྲས་པ། ཟླ་བ་དྲུག་ཏུ་ཉི་མ
56b2 བྱང་ཕྱོགས་སུ་འགྲོ་བ་སྟེ། བྱང་ཕྱོགས་སུ་འགྲོ་བ་ན། དཔག་ཚད་བཞི་ཁྲི་ནས་ཉི་མའི་འོད་ཟེར་བྱུང་བ་རྣམས་གླིང་རྣམས་སུ་འབབ་པས། གླིང་རྣམས་དྲོ་བར་གྱུར་ཏེ། དེའི་ཕྱིར་ན་དཔྱིད་དང་དབྱར་དྲོའོ།། ཅིའི་ཕྱིར
56b3 ཟླ་བའི་དཀྱིལ་འཁོར་མར་གྱི་ངོ་ཚེས་བཅུ་དྲུག་ཕན་ཆོད་འོད་འགྲིབ་ཅིང་ཁ་དོག་དང་། དཀྱིལ་འཁོར་དང་། ཆུ་ཞེང་དུ་འགྲིབ་ཅེ་ན། སྨྲས་པ། ཉི་མ་དང་ཉེ་བར་འགྲོ་ཞིང་ཕྲད་པར་གྱུར་ཏེ། འགྲོ་བ་དེ་རང་གི་དཀྱིལ
56b4 འཁོར་ལས་དེའི་གྲིབ་མ་བྱུང་སྟེ། དེས་དེའི་དཀྱིལ་འཁོར་ཁེབས་ཤིང་དེའི་དཀྱིལ་འཁོར་ཡོག་པར་གྱུར་ཏེ། མི་སྣང་བས་ན་དེའི་ཕྱིར་ན། ཟླ་བའི་དཀྱིལ་འཁོར་མར་གྱི་ངོ་ཚེས་བཅུ་དྲུག་ཕན་ཆད་འགྲིབ་ཅིང
56b5 ཁ་དོག་དང་། དཀྱིལ་འཁོར་དང་། ཆུ་ཞེང་དུ་འགྲིབ་བོ།། ཅིའི་ཕྱིར་ཟླ་བའི་དཀྱིལ་འཁོར་མར་གྱི་ངོའི་གནམ་སྟོང་ལ་རྣམ་པ་ཐམས་ཅད་དུ་མི་སྣང་ཞེ་ན། སྨྲས་པ། ཉི་མ་དང་རྣམ་པ་ཐམས་ཅད་དུ་འཕྲད
56b6 ཅིང་འགྲོགས་ཏེ། དེ་རང་གི་དཀྱིལ་འཁོར་ལས་གྲིབ་མ་བྱུང་ནས། དེའི་དཀྱིལ་འཁོར་ཁེབས་ཤིང་དེ་ལ་དེའི་དཀྱིལ་འཁོར་ཡོག་པར་གྱུར་ཏེ། མི་སྣང་བས་དེའི་ཕྱིར་ན། ཟླ་བའི་དཀྱིལ་འཁོར་མར་གྱི
56b7 ངོ་གནམ་སྟོང་ལ་རྣམ་པ་ཐམས་ཅད་དུ་མི་སྣང་ངོ་། ། ཅིའི་ཕྱིར་ཟླ་བའི་དཀྱིལ་འཁོར་ཡར་གྱི་ངོ་ཚེས་གཅིག་ཕན་ཆད་འོད་སྐྱེ་ཞིང་ཁ་དོག་དང་། དབྱིབས་དང་། དཀྱིལ་འཁོར་དང་། ཆུ་ཞེང་དུ་སྐྱེ་ཞེ་ན།
iiif viewer powered by OpenSeadragon
