| e-texts navigator |
| Wylie |
56a1 ཁྱབ་པར་བྱེད་དོ། ། ཟླ་བ་དྲུག་ཏུ་ཉི་མ་བྱང་ཕྱོགས་སུ་འགྲོ་སྟེ། བྱང་ཕྱོགས་སུ་འགྲོ་བ་ན། དཔག་ཚད་ཕྱེད་དང་དྲུག་དང་། དཔག་ཚད་ཀྱི་བཅོ་བརྒྱད་ཆ་གཅིག་ཏུ་རྒྱ་མཚོ་ཆེན་པོ་ལས
56a2 ཡོལ་ཏེ། འཛམ་བུའི་གླིང་དཔག་ཚད་ཕྱེད་དང་དྲུག་དང་། དཔག་ཚད་ཀྱི་བཅོ་བརྒྱད་ཆ་གཅིག་ཁྱབ་པར་བྱེད་དོ།། ཟླ་བ་དྲུག་ཏུ་ཉི་མ་ལྷོ་ཕྱོགས་སུ་འགྲོ་སྡེ། ལྷོ་ཕྱོགས་སུ་འགྲོ་བ་ན། ཉིན་མོ་ལས་ཐང་ཅིག་རེ
56a3 རེ་འགྲིབ་ཅིང་། མཚན་མོ་ལས་ཐང་ཅིག་རེ་རེ་སྐྱེའོ།། ཟླ་བ་དྲུག་ཏུ་ཉི་མ་བྱང་ཕྱོགས་སུ་འགྲོ་སྟེ། བྱང་ཕྱོགས་སུ་འགྲོ་བ་ན། མཚན་མོ་ལས་ཐང་ཅིག་རེ་རེ་འགྲིབ་ཅིང་། ཉིན་མོ་ལས་ཐང་ཅིག་རེ་རེ་སྐྱེའོ།།
56a4 ཟླ་བ་དྲུག་ཏུ་ཉི་མ་ལྷོ་ཕྱོགས་སུ་འགྲོ་སྟེ། ལྷོ་ཕྱོགས་སུ་འགྲོ་བ་ན། འཛམ་བུ་གླིང་གི་མཐའ་མྱུར་དུ་སྤོང་ངོ་།། ཟླ་བ་དྲུག་ཏུ་ཉི་མ་བྱང་ཕྱོགས་སུ་འགྲོ་བ་སྟེ། བྱང་ཕྱོགས་སུ་འགྲོ་བ་ན། འཛམ་བུ་གླིང་གི་དབུས
56a5 ཡུན་རིང་མོ་ཞིག་གིས་སྤོང་ངོ་། ། ཅིའི་ཕྱིར་དགུན་མཚན་མོ་རིང་ལ་ཉིན་མོ་ཐུང་ཞེ་ན། སྨྲས་པ། ཟླ་བ་དྲུག་ཏུ་ཉི་མ་ལྷོ་ཕྱོགས་སུ་འགྲོ་སྟེ། ལྷོ་ཕྱོགས་སུ་འགྲོ་བ་ན། འཛམ་བུ་གླིང་གི་མཐའ་མྱུར་དུ་སྤོང་བས
56a6 ནདེའི་ཕྱིར་ན་དགུན་མཚན་མོ་རིང་ལ་ཉིན་མོ་ཐུང་ངོ་། ། ཅིའི་ཕྱིར་དཔྱིད་དང་དབྱར་ཉིན་མོ་རིང་ལ་མཚན་མོ་ཐུང་ཞེ་ན། སྨྲས་པ། ཟླ་བ་དྲུག་ཏུ་ཉི་མ་བྱང་ཕྱོགས་སུ་འགྲོ་བ་ན། འཛམ་བུ་གླིང་གི་དབུས་ཡུན་རིང་པོ
56a7 ཞིག་གིས་སྤོང་བས། དེའི་ཕྱིར་ན་དཔྱིད་དང་དབྱར་ནི་ཉིན་མོ་རིང་ལ་མཚན་མོ་ཐུང་ངོ་།། ཅིའི་ཕྱིར་དགུན་གྲང་བར་གྱུར་ཅེ་ན། སྨྲས་པ། ཟླ་བ་དྲུག་ཏུ་ཉི་མ་ལྷོ་ཕྱོགས་སུ་འགྲོ་བ་སྟེ། ལྷོ་ཕྱོགས་སུ་འགྲོ་བ་ན།
iiif viewer powered by OpenSeadragon
