| e-texts navigator |
| Wylie |
55b1 ལྷ་མ་ཡིན་རྣམས་ཀྱི་ཡང་ལྷ་མ་ཡིན་གྱི་རྡོ་ལེབ་ཅེས་བྱའོ།། སུམ་ཅུ་རྩ་གསུམ་པའི་ལྷ་རྣམས་ཀྱི་གླང་པོ་ཆེའི་རྒྱལ་པོ་སྐྱེད་མོས་ཚལ་དུ་སྤྱད་པ་ས་སྲུངས་ཀྱི་བུ་ཇི་ལྟ་བ་དེ་བཞིན་དུ། ལྷ་མ་ཡིན་རྣམས
55b2 ཀྱི་གླང་པོ་ཆེའི་རྒྱལ་པོ་སྐྱེད་མོས་ཚལ་དུ་སྤྱད་པ་ཡང་ཏི་སེའི་གངས་བརྩེགས་ཞེས་བྱའོ། ། སུམ་ཅུ་རྩ་གསུམ་པའི་ལྷ་རྣམས་ཀྱི་གླང་པོ་ཆེའི་རྒྱལ་པོ་གཡུལ་ངོར་སྤྱད་པ་རབ་ཏུ་བརྟན་པ་ཇི་ལྟ་བ་དེ་བཞིན་དུ།
55b3 ལྷ་མ་ཡིན་རྣམས་ཀྱི་གླང་པོ་ཆེའི་རྒྱལ་པོ་གཡུལ་ངོར་སྤྱོད་པ་ཡང་བཟོད་པར་དཀའ་བ་ཞེས་བྱའོ།། སུམ་ཅུ་རྩ་གསུམ་པའི་ལྷ་རྣམས་ཀྱི་རྟའི་རྒྱལ་པོ་སྤྲིན་གྱི་ཤུགས་ཞེས་བྱ་བ་ཇི་ལྟ་བ་དེ་བཞིན་དུ། ལྷ་མ
55b4 ཡིན་རྣམས་ཀྱི་རྟའི་རྒྱལ་པོ་ཡང་བྲག་རྫིང་ཞེས་བྱའོ། ། སུམ་ཅུ་རྩ་གསུམ་པའི་ལྷ་རྣམས་ཀྱི་ལྷའི་གྲོང་ཁྱེར་ཇི་ལྟར་འཁོར་དང་ལྡན་པ་དེ་བཞིན་དུ། ལྷ་མ་ཡིན་རྣམས་ཀྱི་ཡང་གྲོང་ཁྱེར་ཡང་འཁོར་དང་ལྡན
55b5 པ་ཡིན་ནོ། ། ལྷ་མ་ཡིན་རྣམས་ཀྱི་ལྷ་མ་ཡིན་གྱི་རྒྱལ་སྲིད་ཀྱང་སུམ་ཅུ་རྩ་གསུམ་པའི་ལྷ་རྣམས་ཇི་ལྟ་བ་བཞིན་དུ། རྒྱས་པར་བརྗོད་པར་བྱའོ།། འཇིག་རྟེན་བཞག་པ་ལས་ཚིགས་བདུན་པའོ།།
55b6 སྡོམ་ལ། ཕྱེད་དང་དྲུག་དང་ཐང་ཅིག་མཐའ།། ཐུང་དང་གྲང་དང་འབྲི་བ་དང་།། རྙོག་པ་དང་ནི་བསྡུ་བ་དང་།། ཕྱོགས་དང་ཤར་ཕྱོགས་འདུ་ཤེས་པ།། ཟླ་བ་དྲུག་ཏུ་ཉི་མ་ལྷོ་ཕྱོགས་སུ་འགྲོ་སྟེ།
55b7 ཕྱོགས་སུ་འགྲོ་བ་ན། དཔག་ཚད་ཕྱེད་དང་དྲུག་དང་། དཔག་ཚད་བཅོ་བརྒྱད་ཆ་གཅིག་ཏུ་འཛམ་བུ་གླིང་ལས་ཡོལ་ཏེ། རྒྱ་མཚོ་ཆེན་པོ་དཔག་ཚད་ཕྱེད་དང་དྲུག་དང་། དཔག་ཚད་ཀྱི་བཅོ་བརྒྱད་ཆ་གཅིག
iiif viewer powered by OpenSeadragon
