| e-texts navigator |
| Wylie |
54b1 རྫིང་བུ་བདུན་བདུན། རྫིང་བུ་རེ་རེ་ལ་པདྨ་བདུན་བདུན། པདྨ་རེ་རེ་ལ་སྡོང་བུ་བདུན་བདུན། སྡོང་བུ་རེ་རེ་ལ་ལྷའི་བུ་མོ་བདུན་བདུན། ལྷའི་བུ་མོ་རེ་རེ་ལ་གཡོག་མོ་བདུན་བདུན། གཡོག་མོ་རེ་རེ་ལ་སིལ་སྙན
54b2 བདུན་བདུན་མངོན་པར་སྤྲུལ་ཏེ། མགོ་བོ་དེ་དག་ཐམས་ཅད་ཀྱི་ནང་ན། ཁྱད་པར་དུ་འཕགས་པ་གང་ཡིན་པ་དེ་ལ་ལྷ་རྣམས་ཀྱི་དབང་པོ་བརྒྱ་བྱིན་ཞོན་ནོ།། མགོ་བོ་ལྷག་མ་རྣམས་ལ་ནི་ཉེ་བའི་དབང་པོ་སུམ
54b3 ཅུ་རྩ་གཉིས་པོ་རྣམས་ཞོན་ནོ། ། གླང་པོ་ཆེ་ལྷག་མ་རྣམས་ལ་ནི་སུམ་ཅུ་རྩ་གསུམ་པའི་ལྷ་རྣམས་ཞོན་ནོ།། དེ་ཤིན་ཏུ་འགྱོགས་ཏེ། དཔེར་ན་འཇིགས་པའི་རླུང་ངམ། ཆགས་པའི་རླུང་བཞིན་ཏེ། དེ་ན་ལྷ
54b4 འམ། ལྷའི་བུ་མོ་སུ་ཡང་འདི་སྙམ་དུ་འདི་དག་གི་མདུན་དུ་འགྲོའོ་ཞེ་འམ། ཕྱི་ནས་འོང་ངོ་སྙམ་དུ་སེམས་པ་མེད་དོ།། དེ་ནས་གླང་པོ་ཆེའི་རྒྱལ་པོ་ས་སྲུངས་ཀྱི་བུས་སུམ་ཅུ་རྩ་གསུམ་པའི་ལྷ་རྣམས་སོ་སོར་གྲོང
54b5 ཁྱེར་གྱི་སྒོ་ནས་འཐོན་ནོ། ། བཏོན་ནས་སོ་སོར་སྐྱེད་མོས་ཚལ་དུ་ཕྱིན་པར་བྱས་ཏེ། རྫུ་འཕྲུལ་མངོན་པར་འདུ་བྱེད་པ་དེ་བཏང་ནས། འདི་ལྟ་སྟེ། ལྷ་འམ། ལྷའི་བུ་མོ་རྫུ་འཕྲུལ་ཆེ་ཞིང་མཐུ་ཆེ་བ་གང་ཡང་རུང
54b6 བ་དང་འདྲ་བར་བདག་ཉིད་མངོན་པར་སྤྲུལ་ནས། ལྷའི་འདོད་པ་ལྔ་དག་ལ་འབྱོར་ཅིང་ལྡན་པར་འགྱུར་ཏེ། རྩེ་ཞིང་དགའ་ལ་དགའ་དགུར་སྤྱོད་དོ།། ཇི་ལྟར་བརྒྱ་བྱིན་ལྷའི་དབང་པོ་སུམ་ཅུ་རྩ་གསུམ་པའི་ལྷ
54b7 རྣམས་ཀྱི་རྒྱལ་སྲིད་ཀྱི་དབང་ཕྱུག་ལ་དབང་བྱེད་པ་དེ་བཞིན་དུ། ལྷ་མ་ཡིན་གྱི་དབང་པོ་ཐགས་བཟངས་རིས་ལྷ་མ་ཡིན་གྱི་རྒྱལ་སྲིད་ཀྱི་དབང་ཕྱུག་ལ་དབང་བྱེད་དོ།། སུམ་ཅུ་རྩ་གསུམ་པའི་ལྷ་རྣམས་ཀྱི་རྒྱལ
iiif viewer powered by OpenSeadragon
