| e-texts navigator |
| Wylie |
50b1 ། བམ་པོ་བཞི་པ། ལྷའི་གྲོང་ཁྱེར་གྱི་བྱང་ཤར་གྱི་མཚམས་ན། སུམ་ཅུ་རྩ་གསུམ་པའི་ལྷ་རྣམས་ཀྱི་ཤིང་ཡོངས་འདུས་བརྟོལ་ཞེས་བྱ་བ་ཞིག་ཡོད་དེ། ཡོངས་འདུས་བརྡོལ
50b2 གྱི་རྩ་བ་ནི་དཔག་ཚད་ལྔ་བཅུ་ཐུར་དུ་ཟུག་གོ། ། འཕང་དུ་ནི་དཔག་ཚད་བརྒྱ་ཡོད་དོ།། ཡལ་ག་ཕྱིར་གྱེས་པ་ནི་དཔག་ཚད་ལྔ་བཅུ་ཡོད་དོ།། ཡོངས་འདུ་ས་བརྟོལ་གྱི་ཡལ་ག་ལྔ་ཡོད་དེ། ཡལ་ག་གཅིག་ནི་ཤར
50b3 ཕྱོགས་སུ་དཔག་ཚད་ལྔ་བཅུར་འདུད་དོ། ། ཡལ་ག་གཉིས་པ་ནི་ལྷོ་ཕྱོགས་སུ་དཔག་ཚད་ལྔ་བཅུར་འདུད་དོ།། ཡལ་ག་གསུམ་པ་ནི་ནུབ་ཕྱོགས་སུ་དཔག་ཚད་ལྔ་བཅུར་འདུད་དོ།། ཡལ་ག་བཞི་པ་ནི་བྱང་ཕྱོག
50b4 སུ་དཔག་ཚད་ལྔ་བཅུར་འདུད་དོ། ། ཡལ་ག་སྟེང་མ་ནི་དཔག་ཚད་ལྔ་བཅུར་སྟེང་གི་ནམ་མཁའ་ཁྱབ་པར་འདུག་གོ།། ཡོངས་འདུས་བརྟོལ་གྱི་ཆུར་དཔག་ཚད་ལྔ་བཅུར་ཡོད་དོ།། སྡོམས་སུ་ཡང་དཔག་ཚད་ལྔ
50b5 བཅུ་ཡོད་དོ། ། མཐའ་སྐོར་དུ་ཡང་དཔག་ཚད་སུམ་བརྒྱ་ལྔ་བཅུ་ཡོད་དོ།། ཡོངས་འདུས་བརྟོལ་གྱི་དྲི་རྫི་ཕྱོགས་སུ་དཔག་ཚད་བརྒྱར་དད་ལྡང་ངོ་།། རྫི་ཕྱོགས་མ་ཡིན་པར་དཔག་ཚད་ལྔ་བཅུར་དད་ལྡང་ངོ་།།
50b6 དཔག་ཚད་བརྒྱད་ཅུར་ནི་འོད་དང་། ཁ་དོག་གིས་ལྷམ་མེ་ལྡན་ནེ་ལྷང་ངེར་འདུག་གོ། སུམ་ཅུ་རྩ་གསུམ་པའི་ལྷ་རྣམས་ཀྱི་ཤིང་ཡོངས་འདུས་བརྟོལ་གྱི་ལོ་མ་སེར་བ་ན། དེའི་ཚེ་སུམ་ཅུ་རྩ་གསུམ་པའི་ལྷ་རྣམས
50b7 ཀྱེ་མ་ཡོངས་འདུས་བརྟོལ་འདི་ལོ་མ་སེར་བ་ལས་ན། ད་ནི་རིང་པོ་མི་ཐོགས་པར་འདབ་མ་ལྷགས་པར་འགྱུར་རོ་ཞེས་ནས། ཀུན་ཏུ་དགའ་ཞིང་རབ་ཏུ་དགའ་བས་གནས་པ་གང་ཡིན་པ་དེའི་དུས་ཀྱང་ཡོད་ལ།
iiif viewer powered by OpenSeadragon
