| e-texts navigator |
| Wylie |
50a1 ཕྱོགས་དཔག་ཚད་ཉི་ཤུ་ན། སྐྱེད་མོས་ཚལ་དགའ་བའི་ཚལ་ཞེས་བྱ་བ་ཞིག་ཡོད་དེ། ཆུར་དཔག་ཚད་ས་བརྒྱ་ལྔ་བཅུ། ཞེང་དུ་ཡང་དཔག་ཚད་ཉིས་བརྒྱ་ལྔ་བཅུ། མཐའ་སྐོར་དུ
50a2 དཔག་ཚད་སྟོང་ཡོད་ལ། གསེར་གྱི་རབས་ཀུན་ནས་བསྐོར་ཏེ། ར་བའི་འཕང་དུ་དཔག་ཚད་གཅིག་ཡོད་དེ། སྔ་མ་རྣམས་ཇི་སྐད་བཤད་པ་བཞིན་དུ་བརྗོད་པར་བྱའོ།། ཁྱད་པར་ནི་འདི་ཡོད་དེ། ཅིའི་ཕྱིར་སྐྱེད
50a3 མོས་ཚལ་གྱི་མིང་དགའ་བའི་ཚལ་ཞེས་བྱ་ཞེ་ན། སྨྲས་པ། སྐྱེད་མོས་ཚལ་དགའ་བའི་ཚལ་ན་རྫིང་བུ་དགའ་བ་ཞེས་བྱ་བ་དང་། ཤིང་རྣམས་དང་། ལོ་མ་རྣམས་དང་། མེ་ཏོག་རྣམས་དང་། འབྲས་བུ
50a4 རྣམས་དང་། གོས་རྣམས་དང་། རྒྱན་རྣམས་དགའ་བ་དང་། ལྷའི་བུ་མོ་དགའ་བ་རྣམས་ཡོད་ལ། གང་གི་ཚེ་སུམ་ཅུ་རྩ་གསུམ་པའི་ལྷ་རྣམས་སྐྱེད་མོས་ཚལ་དགའ་བའི་ཚིལ་དུ་རྩེ་ཞིང་དགའ་ལ་དགའ་དགུར
50a5 སྤྱོད་པ་དེའི་ཚེ་ཡང་ཀུན་ཏུ་དགའ་ཞིང་། རབ་ཏུ་དགའ་ལ་དགའ་ཞིང་ཡིད་བདེ་བར་གྱུར་ནས། རྩེ་ཞིང་དགའ་ལ་དགའ་དགུར་སྤྱོད།། རང་གི་ལས་ཀྱི་འབྲས་བུ་ཉམས་སུ་མྱོང་བས་ན། དེའི་ཕྱིར་སྐྱེད་མོས་ཚལ
50a6 གྱི་མིང་དགའ་བའི་ཚལ་ཞེས་བྱའོ། ། སྐྱེད་མོས་ཚལ་དགའ་བའི་ཚལ་གྱི་བྱང་ཕྱོགས་དཔག་ཚད་ཉི་ཤུ་ན། ས་གཞི་བཟང་པོ་དགའ་བ་ཞེས་བྱ་བ་ཞིག་ཡོད་དེ། ཆུར་དཔག་ཚད་ཉིས་བརྒྱ་ལྔ་བཅུ། ཞེང་དུ་དཔག
50a7 ཚད་ཉིས་བརྒྱ་ལྔ་བཅུ། མཐའ་སྐོར་དུ་དཔག་ཚད་སྟོང་ཡོད་ལ། དབྱིབས་ལེགས་ཤིང་བལྟ་ན་སྡུག་ལ་མཛེས་པ་སྟེ། ས་གཞི་བཟང་པོ་སྔ་མ་རྣམས་ཇི་ལྟ་བ་བཞིན་དུ་རྒྱས་པར་བརྗོད་པར་བྱའོ།།
iiif viewer powered by OpenSeadragon
