| e-texts navigator |
| Wylie |
45b1 ལ་མཛེས་པ། གསེར་གྱི་རབས་ཀུན་ནས་བསྐོར་ཏེ། ར་བའི་འཕང་དུ་དཔག་ཚད་གཅིག་ཡོད་ལ། ར་བ་དེ་ལ་རྩིག་སྐྱབས་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་།
45b2 ཤེལ་ལས་བྱས་པ་རྣམ་པ་བཞི་ཡོད་དོ།། གྱེན་དུ་འཕང་བ་དང་། ཐུར་དུ་འཕྱང་བའི་མདའ་ཡབ་དང་། ཟམ་པ་བརྒྱུད་མ་རྣམ་པ་བཞི་ཡོད་དོ།། གསེར་ལས་བྱས་པ་དང་། དངུལ་ལས་བྱས་པ་དང
45b3 བཻ་ཌཱུཪྻ་ལས་བྱས་པ་དང་། ཤེལ་ལས་བྱས་པ་རྣམས་སོ།། དེའི་ནང་གི་ས་གཞི་དབྱིབས་ལེགས་ཤིང་བལྟ་ན་སྡུག་ལ་མཛེས་པ། བྲིས་པ་ཚོན་སྣ་བརྒྱ་རྩ་གཅིག་གིས་བྲིས་པ་སྟེ། འཇམ་ཞིང་ཤིན
45b4 ཏུ་འཇམ་པ་ནི། དཔེར་ན་ཤིང་བལ་གྱི་འདའ་བ་འམ། རས་བལ་གྱི་འདའ་བ་བཞིན་ཏེ། རྐང་པ་བཞག་པ་ན་ནི་ནེམས་ཤེས་བྱེད། རྐང་པ་བཏེག་ན་ནི་པར་ཤེས་བྱེད་ལ། མེ་ཏོག་མནྡ་ར་བ་མང་པོས་པུས་མོ
45b5 ནུབ་ཙམ་དུ་ཡོངས་སུ་ཁེབས་ཏེ། རླུང་གི་མཐུས་མེ་ཏོག་རྙིང་པ་རྣམས་ནི་འཐོར། མེ་ཏོག་གསར་པ་རྣམས་ནི་ལེགས་པར་འགྲེམས་ཏེ། འདི་སྐད་དུ། ལྷ་རྣམས་བསོད་ནམས་དབང་གི་རྐྱེན་གྱིས་ནི།
45b6 ཤིང་རྟ་སྣ་ཚོགས་པ་ན་རླུང་ཆེན་ལྡང་།། མེ་ཏོག་རྙིང་པ་རྣམས་ནི་འདོར་བར་བྱེད།། མེ་ཏོག་གསར་པ་རྣམས་ནི་ལེགས་པར་འགྲེམ།། ཞེས་ཀྱང་བྱའོ།། སྐྱེད་མོས་ཚལ་ཤིང་རྟ་སྣ་ཚོགས་ཅན་གྱི་ནང་ན
45b7 རྫིང་བུ་ཞིག་ཡོད་དེ། ཆུར་དཔག་ཚད་ལྔ་བཅུ། ཞེང་དུ་ཡང་དཔག་ཚད་ལྔ་བཅུ། མཐའ་སྐོར་དུ་དཔག་ཚད་ཉིས་བརྒྱ་ཡོད་དེ། རྫིང་བུ་དེ་ཡང་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ
iiif viewer powered by OpenSeadragon
