| e-texts navigator |
| Wylie |
3b1 གཞན་ཆགས་པར་གནས་སོ། ། དགེ་སློང་དག་དེ་ལྟ་བུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་ལྷོ་དང་། ནུབ་དང་། བྱང་གི་ཕྱོགས་སུ་མཐའ་མེད་ཅིང་མུ་མེད་ལ། འཇིག་པ
3b2 འམ་ཞིག་པར་གནས་ཤིང་། འཆགས་པ་འམ་ཆགས་པར་གནས་ཏེ། གཞན་འཇིག་ཅིང་གཞན་ཞིག་པར་གནས་ཏེ། གཞན་འཆགས་ཤིང་གཞན་ཆགས་པར་གནས་སོ།། དགེ་སློང་དག་དཔེར་ན
3b3 བར་སྣང་ལས་ཆར་པའི་འབྲུ་ཤིང་རྟའི་སྲོག་ཤིང་ཙམ་འབབ་སྟེ། ཆུའི་རྒྱུན་རྣམས་རབ་ཏུ་འབབ་པ་ན་མཚམས་སམ་བར་ཆད་མེད་པ་དེ་བཞིན་དུ། དགེ་སློང་དག་ངས་ལྷའི་མིག་རྣམ་པར་དག་པ་མིའི་ལས
3b4 འདས་པས། ཤར་ཕྱོགས་སུ་དེ་ལྟ་བུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་མེད་ཅིང་མུ་མེད་ལ། འཇིག་པ་འམ་ཞིག་པར་གནས་ཤིང་། འཆགས་པ་འམ་ཆགས་པར་གནས
3b5 ཏེ། གཞན་འཇིག་ཅིང་གཞན་ཞིག་པར་གནས། གཞན་འཆགས་ཤིང་གཞན་ཆགས་པར་གནས་པ་དང་། དེ་བཞིན་དུ་ལྷོ་དང་། ནུབ་དང་། བྱང་གི་ཕྱོགས་སུ་དེ་སྙེད་ཀྱི་སྟོང་གསུམ་གྱི་སྟོང་ཆེན་པོའི
3b6 འཇིག་རྟེན་གྱི་ཁམས་རྣམས་མཐའ་མེད་ཅིང་མུ་མེད་ལ། འཇིག་པ་འམ་ཞིག་པར་གནས་ཤིང་། འཆགས་པ་འམ། ཆགས་པར་གནས་ཏེ། གཞན་འཇིག་ཅིང་གཞན་ཞིག་པར་གནས་ལ
3b7 གཞན་འཆགས་ཤིང་གཞན་ཆགས་པར་གནས་པ་དེ་དག་ཀྱང་མཐོང་ངོ་ཞེས་བཀའ་སྩལ་ནས། བཅོམ་ལྡན་འདས་ནང་དུ་ཡང་དག་འཇོག་པའི་ཕྱིར་གནས་ཁང་གི་ནང་དུ་གཤེགས་སོ།། དེའི་ཚེ་ན་རྩེ
iiif viewer powered by OpenSeadragon
