| e-texts navigator |
| Wylie |
384a1 ལས་དང་། ཡིད་ཀྱི་ལས་རྟག་ཏུ་འཇུག་པར་གྱུར་ཅིག། དུས་ཇི་ལྟ་བ་དང་། ཡུལ་ཇི་ལྟ་བ་དང་། སེམས་ཅན་རྣམས་ཀྱི་འདུལ་བ་ཇི་ལྟ་བ་དེ་ལྟ་དེ་ལྟར་ཆོས་ཀྱི་དབྱིངས་འཁྲུགས
384a2 པ་མེད་པར་སྟོན་པར་གྱུར་ཅིག། འཕགས་པ་འགྲོ་བ་ཐམས་ཅད་ཡོངས་སུ་སྐྱོབ་པར་བྱེད་པ་ཞེས་བྱ་བའི་ཡོངས་སུ་བསྔོ་བ་རྫོགས་སོ།། ། རྒྱ་གར་གྱི་མཁན་པོ་བི་དྱ་ཀར་པྲ་བྷ་དང་།
384a3 ལོ་ཙ་བ་བན་དྷེ་ཡེ་ཤེས་སྙིང་པོས་བསྒྱུར། ནུ་ཆེན་གྱི་ལོ་ཙ་བ་བན་རྗེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།། བོད་སྐད་དུ། རྡོ་རྗེ་རྒྱལ
384a4 མཚན་གྱི་ཡོངས་སུ་བསྔོ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། རྒྱུ་དང་མི་རྒྱུའི་འཇིག་རྟེན་སྨན་སླད་དུ།། བྱུང་དང་འབྱུང་བར་འགྱུར་དང་ད་ལྟར་གྱི།། རང་བྱུང་རྔུབ་དབང
384a5 ཐུགས་རྗེ་ལྡན་རྣམས་ལ། ། བདག་གིས་བདག་ཀུན་བཏུད་ནས་ཕྱག་འཚལ་ལོ།། ཆགས་དང་ཞེ་སྡང་གཏི་མུག་དབང་གིས་ནི།། བདག་གིས་ལུས་དང་ངག་དང་ཡིད་རྣམས་ཀྱིས།། སྲིད་པ་ཉམ་ངར་སྡིག་པ་ཅིངས།
384a6 པ། སྡིག་པ་དེ་ཀུན་སོ་སོར་བཤགས་པར་བགྱི།། དེ་བཞིན་གཤེགས་ཀྱི་བསོད་ནམས་མཛོད་གང་དང་། བྱང་ཆུབ་སེམས་དཔའ་ལས་བྱུང་བསོད་ནམས་དང་།། གང་ཡང་ཉན་ཐོས་རྐྱེན་གྱི་ཐེག་ཅན་དང་།། འཇིག
384a7 རྟེན་བསོད་ནམས་དེ་ལ་ཡི་རང་ངོ་། ། བྱང་ཆུབ་སྙིང་པོར་ཐོག་མར་གང་སངས་རྒྱས།། པདྨ་རྒྱས་པའི་སྤྱན་འདྲ་སྤྱན་མངའ་བ།། སངས་རྒྱས་བླ་མེད་མཐའ་ཡས་དེ་དག་ལ།། ཆོས་ཀྱི་འཁོར་ལོ་དམ་པ་བསྐོར།
iiif viewer powered by OpenSeadragon
