| e-texts navigator |
| Wylie |
383b1 མ་མཐོང་། མ་རིག་སྟེ། སངས་རྒྱས་བཅོམ་ལྡན་འདས་དེ་དག་མཁྱེན་ཅིང་གཟིགས་ལ་ཐུགས་སུ་ཆུད་པས་ཇི་ལྟར་དགེ་བའི་རྩ་བ་ཡོངས་སུ་བསྔོ་བ་མཛད་པ་དེ་ལྟར་བདག་གིས་ཡོངས་སུ་བསྔོ་བར་བགྱིའོ།། དེ་བཞིན
383b2 གཤེགས་པའི་ཐུགས་དང་འཐུན་པར་ཡོངས་སུ་བསྔོ་བར་བགྱིའོ། ། ཇི་ལྟར་སེམས་ཅན་འདུལ་བ་དང་། ཇི་ལྟར་དགེ་བའི་རྩ་བ་སྨིན་པ་དང་། ཇི་ལྟར་དགེ་བའི་རྩ་བ་རྣམ་པར་འཕེལ་བ་དང་། ཇི་ལྟར་སྡུག་བསྔལ
383b3 ཤེས་པ་དང་། ཀུན་འབྱུང་བ་སྤང་བ་དང་། འགོག་པ་མངོན་དུ་བྱ་བ་དང་། ལམ་སྒོམ་པ་དང་། བླ་ན་མེད་པ་ཐམས་ཅད་མཁྱེན་པའི་ཡེ་ཤེས་འཐོབ་པ་དང་། མི་དགེ་བའི་རྩ་བ་ཐམས་ཅད་སྤང་བ་དང
383b4 དགེ་བའི་རྩ་བ་ཐམས་ཅད་ལྡན་པ་དང་། བག་ཆགས་འཇོམས་པ་དང་། བསྙེལ་བ་མི་མངའ་བའི་ཆོས་ཉིད་དང་། རྣམ་པ་ཐམས་ཅད་མཁྱེན་པ་ཉིད་ཇི་ལྟར་འདས་པ་དང་། མ་འོངས་པ་དང
383b5 ད་ལྟར་བྱུང་བའི་སངས་རྒྱས་སྔོན་བྱང་ཆུབ་སེམས་དཔར་གྱུར་པ་ཐམས་ཅད་ཀྱིས་དགེ་བའི་རྩ་བ་ཡོངས་སུ་བསྔོས་པ་དེ་བཞིན། བདག་གིས་ཡོངས་སུ་བསྔོ་བར་བགྱིའོ།། མཉམ་པ་ཉིད་ཀྱིས་ཡོངས་སུ་བསྔོ་བ་དང
383b6 གཉིས་སུ་མེད་པས་ཡོངས་སུ་བསྔོ་བ་དང་། འགྲོ་བ་ཐམས་ཅད་ཡོངས་སུ་བསྐྱབ་པའི་ཡོངས་སུ་བསྔོ་བས་ཡོངས་སུ་བསྔོ་བར་བགྱི་སྟེ། དེ་ལྟར་ལན་གཉིས་དེ་ལྟར་ལན་གསུམ་དུའོ།། སེམས་ཅན་གང་ཞིག་གང
383b7 དང་གང་གིས་འདུལ་བར་འགྱུར་བ་དེ་དང་དེའི་སེམས་རྣམ་པར་རྟོག་པ་མེད་པས། བདག་མཐོང་བར་འགྱུར་ཞིང་། ཇི་ལྟ་ཇི་ལྟར་སེམས་ཅན་དག་པར་འགྱུར་བ་དེ་ལྟ་དེ་ལྟར་བདག་གིས་ལུས་ཀྱི་ལས་དང་། ངག་གི
iiif viewer powered by OpenSeadragon
