| e-texts navigator |
| Wylie |
380b1 ཅན་ཐམས་ཅད་ཀྱི་དགེ་བའི་རྩ་བ་ཐམས་ཅད་ཡོངས་སུ་རྫོགས་པར་གྱུར་ཅིག། ཚེ་རིང་བ་དང་། གནོད་པ་ཆུང་བ་དང་། མདོག་བཟང་བ་དང་། གཟུགས་བཟང་བ་དང་། གཟི་བརྗིད་ཆེ་བ་དང་། དབང་།
380b2 ཆེ་བ་དང་། རིགས་མཐོ་བ་དང་། ལོངས་སྤྱོད་ཆེ་བ་དང་། ཤེས་རབ་ཆེ་བ་དང་། རྫས་དང་། སྔགས་དང་། སྨན་རྙེད་པ་དང་། དགེ་བའི་བཤེས་གཉེན་དང་ཕྲད་པ་དང་། དམ་པའི་ཆོས་ཉན་པ།
380b3 དང་། ཚུལ་བཞིན་ཡིད་ལ་བྱེད་པ་དང་། ཆོས་དང་འཐུན་པའི་ཆོས་གྲུབ་པ་དང་། འདོད་ཆགས་དང་། ཞེ་སྡང་དང་། གཏི་མུག་ཉོན་མོངས་པ་དང་། ཉེ་བའི་ཉོན་མོངས་པ་སྤོང་བ་དང་། སེམས
380b4 ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ངན་སོང་ངན་འགྲོ་ལོག་པར་ལྟུང་བ་ལས་ཡང་དག་པར་འདའ་བ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ
380b5 འཛིན་དང་། སྙོམས་པར་འཇུག་པ་ཐམས་ཅད་ཐོབ་པ་དང་། ལུས་ལས་བྱུང་བ་དང་། སེམས་ལས་བྱུང་བའི་ཡིད་མི་བདེ་བ་ལས་ཡང་དག་པར་འདའ་བ་དང་། བདེ་བ་དང་། ཡིད་བདེ་བ
380b6 ཐམས་ཅད་འཐོབ་པ་དང་། ཉན་ཐོས་ཀྱི་ཡོན་ཏན་གྱི་མཆོག་ཉིད་དང་། རང་སངས་རྒྱས་ཀྱི་ཡོན་ཏན་གྱི་མཆོག་ཉིད་དང་། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་།
380b7 སོ་སོ་ཡང་དག་པར་རིག་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་།
iiif viewer powered by OpenSeadragon
