| e-texts navigator |
| Wylie |
380a1 ཆོས་ཀྱི་འཁོར་ལོ་རབ་ཏུ་བསྐོར་དུ་གསོལ། ཆོས་ཀྱི་དུང་ཀུན་ནས་འབུད་དུ་གསོལ། ཆོས་ཀྱི་རྔ་བརྡུང་དུ་གསོལ། ཆོས་ཀྱི་སྒྲོན་མ་འབར་བར་མཛད་དུ་གསོལ། ཆོས་དང་འཐུན
380a2 བར་ཆོས་སྒྲུབ་པ་དག་ལ་སེམས་ཅན་གྱི་ཁམས་རབ་ཏུ་དགོད་དུ་གསོལ། གང་དག་ཚེ་ལ་དབང་བ། སྤྲུལ་པ་ལ་དབང་བ། བྱིན་གྱི་རླབས་ལ་དབང་བ། རྫུ་འཕྲུལ་ལ་དབང་བ། སེམས་ཅན་འདུལ་བའི
380a3 ཚོགས་སྨིན་པར་མཛད་པ་དབང་དུ་གྱུར་པ་དང་། དབང་དུ་མ་གྱུར་པ་རྣམས་ལ་ཡོངས་སུ་མྱ་ངན་ལས་འདའ་བར་ཐུགས་གཞོལ་ཞིང་། སྐྲ་ཚེ་འདོར་བར་མཛད་པ་དེ་དག་ལ་བདག་གསོལ་བ་འདེབས་ཏེ།། སྐྱེ་བོ
380a4 མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོའི་ཚོགས་མང་པོའི་དོན་དང་། ལྷ་དང་མི་རྣམས་ལ་སྨན་པ་དང་། བདེ་བའི་སླད་དུ་སྐུ་ཚེའི་འདུ་བྱེད་རྣམས
380a5 བྱིན་གྱིས་བརླབ་ཏུ་གསོལ། གང་བདག་གིས་འཁོར་བའི་སྔོན་གྱི་མཐའ་མ་འཚལ་བ་ནས། དགེ་བའི་རྩ་བ་བགྱིས་ཤིང་བསགས་པ། ལུས་དང་། ངག་དང་། ཡིད་ཀྱིས་བགྱིས་པ་དང་། བགྱིད་དུ
380a6 སྩལ་བ་དང་། བགྱིད་པ་ལ་རྗེས་སུ་ཡི་རང་བ་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང་། ཚུལ་ཁྲིམས་ལས་བྱུང་བ་དང་། བསྒོམས་པ་ལས་བྱུང་བའི་བསོད་ནམས་བྱ་བའི་དངོས་པོ་དང་།
380a7 ཐ་ན་སེམས་ཅན་གཅིག་གི་སེམས་གཅིག་གིས་སེམས་དང་བ་གཅིག་ཙམ་བསྐྱེད་པར་གྱུར་པ་གང་ལགས་པ་དེ་དག་ཐམས་ཅད་སེམས་ཅན་ཐམས་ཅད་ལ་ཡོངས་སུ་བསྔོ་བར་བགྱིའོ།། དགེ་བའི་རྩ་བ་འདིས་སེམས
iiif viewer powered by OpenSeadragon
