| e-texts navigator |
| Wylie |
379b1 རང་སྟེ། རྗེས་སུ་ཡི་རང་བའི་མཆོག་གིས་རྗེས་སུ་ཡི་རང་ངོ་།། གཙོ་བོ་དང་། དམ་པ་དང་། རབ་དང་། ཕུལ་དང་། བླ་ན་མ་མཆིས་པ་དང་། གོང་ནམ་མཆིས་པ་དང་། གོང་མའི་ཡང་གོང
379b2 མ་དང་། མཉམ་པ་མ་མཆིས་པ་དང་། མི་མཉམ་པ་དང་མཉམ་པ་དང་། མཚུངས་པ་མ་མཆིས་པ་དང་། ནམ་མཁའ་ལྟར་དག་ཅིང་ཡོངས་སུ་དག་པའི་རྗེས་སུ་ཡི་རང་བས་རྗེས་སུ་ཡི་རང་ངོ་།།
379b3 གང་དག་གིས་ཆོས་ཐམས་ཅད་ཡང་དག་པར་ཐུགས་སུ་ཆུད་ནས། ཆོས་ལ་དགོས་པ་དང་། ཆོས་ལ་ངེས་པ་དང་། དགེ་བའི་རྩ་བ་ཐམས་ཅད་སྐྱེད་པ་དང་། འགྲོ་བ་ཐམས་ཅད་ཡོངས་སུ་སྐྱོབ་པ་དང་།
379b4 ཡོན་ཐམས་ཅད་ཡོངས་སུ་སྤོང་ཞིང་ཡོངས་སུ་སྔོ་བ་དང་། ཆོས་ཀྱི་ཕུང་པོ་སྟོང་ཕྲག་ཀུན་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས
379b5 ཅད་དང་། དམ་བཅས་པ་དང་། སྨོན་ལམ་དང་། ཟག་པ་ཟད་པ་ཤེས་པ་དང་། སྟོན་པ་དང་། བག་ལ་ཉལ་དང་། ཁམས་དང་། རང་བཞིན་ཤེས་པ་ཡང་དག་པར་ཐུགས་སུ་ཆུད་ནས
379b6 ཀྱང་སེམས་ཅན་གྱི་ཁམས་བཀའ་བློ་མི་བདེ་བར་མཁྱེན་ནས། ཐུགས་ཁྲལ་ཆུང་ངུར་ཐུགས་འཇོག་པར་མཛད་ཅིང་། ཆོས་སྟོན་པར་མི་མཛད་པ་དེ་དག་ལ་བདག་བསྐུལ་མ་འདེབས་ཏེ། སྐྱེ་བོ་མང་པོ་ལ
379b7 སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོའི་ཚོགས་མང་པོའི་དོན་དང་། ལྷ་དང་མི་རྣམས་ལ་སྨན་པ་དང་། བདེ་བའི་སླད་དུ་དམ་པའི་ཆོས་བཤད་དུ་གསོལ།
iiif viewer powered by OpenSeadragon
