| e-texts navigator |
| Wylie |
371b1 མཆིས་ཤིང་། ། སྟོབས་དང་ལྡན་པའི་ལུས་སེམས་ཀྱིས།། བརྩོན་འགྲུས་ཕ་རོལ་ཕྱིན་རྫོགས་ཤོག། སྒྱུ་མ་ལྟ་བུའི་ཏིང་འཛིན་དང་།། དཔའ་བར་འགྲོ་བའི་ཏིང་འཛིན་དང་།། རྡོ་རྗེ་ལྟ་བུའི་ཏིང་འཛིན་གྱིས།།
371b2 བསམ་གཏན་ཕ་རོལ་ཕྱིན་རྫོགས་ཤོག། རྣམ་པར་ཐར་པའི་སྒོ་གསུམ་དང་།། དུས་གསུམ་མཉམ་པ་ཉིད་དང་ཡང་།། རིག་གསུམ་མངོན་སུམ་བགྱིས་པ་ཡིས།། ཤེས་རབ་ཕ་རོལ་ཕྱིན་རྫོགས་ཤོག། སངས
371b3 རྒྱས་ཀུན་གྱིས་བསྔགས་པ་དང་། ། འོད་དང་གཟི་བརྗིད་འབར་བ་དང་།། བྱང་ཆུབ་སེམས་དཔའི་བརྩོན་འགྲུས་ཀྱིས།། བདག་གི་བསམ་པ་རྫོགས་གྱུར་ཅིག། དེ་ལྟར་སྤྱད་པ་སྤྱོད་བྱེད་ཅིང་།། བྱམས་བགྲགས
371b4 དང་ལྡན་པ་ཡིས། ། ཕ་རོལ་ཕྱིན་དྲུག་རྫོགས་བགྱིས་ནས།། ས་བཅུ་ལ་ནི་རབ་ཏུ་གནས།། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས། གང་ལ་གནས་ནས་ཐབས་ལ་མཁས
371b5 པས་ཐེག་པ་བདེ་བ། འཇུག་པ་བདེ་བ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་བསྒྲུབ་པའི་ཐབས་ལ་མཁས་པ་ནི་དེ་ཡིན་ནོ།། འཕགས་པ་བྱམས་པའི་སྨོན་ལམ་རྫོགས་སོ།། །
371b6 བོད་སྐད་དུ། བྱང་ཆུབ་དམ་པའི་རྗེས་སུ་མོས་པའི་སྨོན་ལམ།། ཕྱོགས་བཅུའི་འཇིག་རྟེན་ཁམས་ན་དུས་གསུམ་གྱི།། ཡེ་ཤེས་ཡོན་ཏན་ཐུགས་རྗེ་ཚད
371b7 མེད་ཅིང་། ། དཔག་མེད་ལྔ་ཕུང་རྫོགས་ཏེ་བླ་མེད་པས།། བདུད་ཀྱི་སྡེ་བཅོམ་ལེགས་པ་དྲུག་དང་ལྡན།། མཁྱེན་པས་ཇི་བཞིན་གསུང་བཞིན་དེ་བཞིན་གཤེགས།། ཉོན་མོངས་དགྲ་བཅོམ་སྐྱེ་དགུས་མཆོད་པར
iiif viewer powered by OpenSeadragon
