| e-texts navigator |
| Wylie |
36a1 རི་རབ་ཀྱི་སྟེང་གི་གཞིར་རྩེས་ཏེ་འོངས་པ་ཤེས་པར་གྱིས་ཤིག། གྲོགས་པོ་དག་ད་ལྟར་གང་གི་དུས་ལ་བབ་པར་སོམས་ཤིག། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་གླང་པོ་ཆེའི
36a2 རྒྱལ་པོ་རབ་བརྟན་ལ་བསམས་སོ། ། དེ་ནས་གླང་པོ་ཆེའི་རྒྱལ་པོ་རབ་བརྟན་གྱིས་ལྷའི་དབང་པོ་བརྒྱ་བྱིན་གྱི་མཚན་མ་རྟོགས་ནས། དཔེར་ན་སྐྱེས་བུ་སྟོབས་དང་ལྡན་པས་ལག་པ་བསྐུམ་པ་ལས་བརྐྱང
36a3 བ་འམ། བརྐྱང་བ་ལས་བསྐུམ་པ་བཞིན་དུ། གླང་པོ་ཆེའི་རྒྱལ་པོ་རབ་བརྟན་འཛམ་བུ་གླིང་ནས་མི་སྣང་བར་གྱུར་ཏེ། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ངོ་།། སོང་ནས་མགོ་སུམ་ཅུ
36a4 རྩ་གཉིས་མངོན་པར་སྤྲུལ་ཏེ། མགོ་རེ་རེ་ལ་མཆེ་བ་དྲུག་དྲུག། མཆེ་བ་རེ་རེ་ལ་རྫིང་བུ་བདུན་བདུན། རྫིང་བུ་རེ་རེ་ལ་པདྨ་བདུན་བདུན། པདྨ་རེ་རེ་ལ་སྡོང་བུ་བདུན་བདུན། སྡོང་བུ་རེ་རེ་ལ་ལྷའི་བུ་མོ་བདུན
36a5 བདུན། ལྷའི་བུ་མོ་རེ་རེ་ལ་གཡོག་མོ་བདུན་བདུན། གཡོག་མོ་རེ་རེ་ལ་སིལ་སྙན་བདུན་བདུན་མངོན་པར་སྤྲུལ་ཏེ། མགོ་བོ་དེ་དག་ཐམས་ཅད་ཀྱི་ནང་ན་ཁྱད་པར་དུ་འཕགས་པ་གང་ཡིན་པ་དེ་ལ་ལྷའི་དབང
36a6 པོ་བརྒྱ་བྱིན་ཞོན་ནོ། ། དེ་ལས་གཞན་པའི་མགོ་བོ་ལྷག་མ་རྣམས་ལ་ནི་ཉེ་བའི་དབང་པོ་སུམ་ཅུ་རྩ་གཉིས་པོ་རྣམས་ཞོན་ནོ།། དེ་ལས་གཞན་པའི་གླང་པོ་ཆེ་རྣམས་ལ་ནི། དེ་ལས་གཞན་པའི་སུམ་ཅུ་རྩ་གསུམ་པ
36a7 རྣམས་ཞོན་ནོ། ། དེ་ཤིན་ཏུ་མགྱོགས་ཏེ། དཔེར་ན་འཇིག་པའི་རླུང་ངམ། ཆག་པའི་རླུང་བཞིན་ཏེ། དེ་ན་ལྷ་འམ། ལྷའི་བུ་མོ་སུ་ཡང་འདི་སྙམ་དུ་འདི་ནི་བདག་གི་མདུན་དུ་འགྲོའོ་ཞེའམ། ཕྱི་ནས་འོང་ངོ་སྙམ་དུ་སེམས་པ་མེད་དོ།།
iiif viewer powered by OpenSeadragon
