| e-texts navigator |
| Wylie |
369b1 དེ་ཡིས་བཟང་སྤྱོད་སྨོན་ལམ་འདི་བརྗོད་ན།། མྱུར་དུ་མ་ལུས་ཡོངས་སུ་བྱང་བར་འགྱུར།། ཡེ་ཤེས་དང་ནི་གཟུགས་དང་མཚན་རྣམས་དང་།། རིགས་དང་ཁ་དོག་རྣམས་དང་ལྡན་པར་འགྱུར།། བདུད་དང་མུ་སྟེགས
369b2 མང་པོས་དེ་མི་ཐུག། འཇིག་རྟེན་གསུམ་པོ་ཀུན་ནའང་མཆོད་པར་འགྱུར།། བྱང་ཆུབ་ཤིང་དབང་དྲུང་དུ་དེ་མྱུར་འགྲོ།། སོང་ནས་སེམས་ཅན་ཕན་ཕྱིར་དེ་འདུག་སྟེ།། བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར།།
369b3 བདུད་རྣམས་སྡེ་དང་བཅས་པ་ཐམས་ཅད་འདུལ།། གང་ཡང་བཟང་པོ་སྤྱོད་པའི་སྨོན་ལམ་འདི།། འཆང་བ་དང་ནི་སྟོན་ཏམ་ཀློག་པ་ཡི།། དེ་ཡི་རྣམ་པར་སྨིན་པ་སངས་རྒྱས་མཁྱེན།། བྱང་ཆུབ་མཆོག་ལ་སོམ
369b4 ཉི་མ་བྱེད་ཅིག། འཇམ་དཔལ་དཔའ་བོས་ཇི་ལྟར་མཁྱེན་པ་དང་།། ཀུན་ཏུ་བཟང་པོ་དེ་ཡང་དེ་བཞིན་ཏེ།། དེ་དག་གི་ནི་རྗེས་སུ་བདག་སློབ་ཅིང་།། དགེ་བ་འདི་དག་ཐམས་ཅད་རབ་ཏུ་བསྔོ།། དུས་གསུམ་གཤེགས
369b5 པ་རྒྱལ་བ་ཐམས་ཅད་ཀྱིས། ། བསྔོ་བ་གང་ལ་མཆོག་ཏུ་བསྔགས་པ་དེས།། བདག་གི་དགེ་བའི་རྩ་བ་འདི་ཀུན་ཡང་།། བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི།། བདག་ནི་འཆི་བའི་དུས་བྱེད་གྱུར་པ་ན།། སྒྲིབ
369b6 པ་ཐམས་ཅད་དག་ནི་ཕྱིར་བསལ་ཏེ། མངོན་སུམ་སྣང་བ་མཐའ་ཡས་དེ་མཐོང་ནས།། བདེ་བ་ཅན་གྱི་ཞིང་དེར་རབ་ཏུ་འགྲོ།། དེར་སོང་ནས་ནི་སྨོན་ལམ་འདི་དབ་ཀྱང་།། ཐམས་ཅད་མ་ལུས་མངོན་སུམ་འགྱུར
369b7 པར་ཤོག། དེ་དག་མ་ལུས་བདག་གི་ཡོངས་སུ་བསྐང་།། འཇིག་རྟེན་ཇི་སྲིད་སེམས་ཅན་ཕན་པར་བགྱི།། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར།། པདྨོ་དམ་པ་ཤིན་ཏུ་མཛེས་ལས་སྐྱེས།། སྣང་བ་མཐའ་ལས
iiif viewer powered by OpenSeadragon
