| e-texts navigator |
| Wylie |
366a1 རྟོག་པ་ཐམས་ཅད་བྱང་ནས། དཀོན་མཆོག་གསུམ་ལ་མི་ཕྱེད་པའི་དད་པ་དང་ལྡན་ཏེ། བྱང་ཆུབ་ཀྱི་སེམས་དང་ལྡན་ནས་ཐར་པ་ཐོབ་པའི་རྒྱུར་གྱུར་ཅིག། དེ་ལྟར་དེང་མར་མེ་འདིའི་ཡོན
366a2 བདག་གིས་ཀྱང་། གཏན་པ་མེད་པའི་མཆོད་པ་འདི་ཕུལ་བས། བདག་དང་མཐའ་ཡས་པའི་སེམས་ཅན་རྣམས་དེ་བཞིན་གཤེགས་པ་མར་མེ་མཛད་ཀྱི་ཞབས་དྲུང་དུ་སྐྱེས་ཏེ། མངོན་པར་རྫོགས་པར་སངས
366a3 རྒྱས་ནས། སེམས་ཅན་ཐམས་ཅད་ཀྱི་དཔལ་མགོན་དུ་གྱུར་ཅིག། རྒྱལ་པོ་གསེར་གྱི་ལག་པའི་མར་མེའི་སྨོན་ལམ་གྱི་མདོ་རྫོགས་སོ།། ། རྒྱ་གར་སྐད
366a4 དུ། ཨཱརྱ་བྷ་དྲ་ཙརྱ་པྲ་ནི་དྷ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། ཇི་སྙེད་སུ་དག་ཕྱོགས་བཅུའི་འཇིག་རྟེན་ན།
366a5 དུས་གསུམ་གཤེགས་པ་མི་ཡི་སེང་གེ་ཀུན། བདག་གིས་མ་ལུས་དེ་དག་ཐམས་ཅད་ལ།། ལུས་དང་ངག་ཡིད་དང་བས་ཕྱག་བགྱིའོ།། བཟང་པོར་སྤྱོད་པའི་སྨོན་ལམ་སྟོབས་དག་གིས།། རྒྱལ་བ་ཐམས་ཅད་ཡིད
366a6 ཀྱིས་མངོན་སུམ་དུ། ། ཞིག་གི་རྡུལ་སྙེད་ལུས་རབ་བཏུད་པ་ཡིས།། རྒྱལ་བ་ཀུན་ལ་རབ་ཏུ་ཕྱག་འཚལ་ལོ།། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས།། སངས་རྒྱས་སྲས་ཀྱི་དབུས་ན་བཞུགས་པ་དག
366a7 དེ་ལྟར་ཆོས་ཀྱི་དབྱིངས་རྣམས་མ་ལུས་པར། ། ཐམས་ཅད་རྒྱལ་བ་དག་གིས་གང་བར་མོས།། དེ་དག་བསྔགས་པ་མི་ཟངད་རྒྱ་མཚོ་རྣམས།། དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས།། རྒྱལ་བ་ཀུན་གྱི་ཡོན་ཏན་རབ
iiif viewer powered by OpenSeadragon
