| e-texts navigator |
| Wylie |
363b1 བར་བརྒྱུད་ནས་བཤད་དེ། དེ་ཅིའི་ཕྱིར་ཞེ་ན། སྦྱིན་པ་པོ་དང་། སྦྱིན་བདག་གང་ཡིན་པ་རྣམས་བཅོམ་ལྡན་འདས་ཀྱི་གསུང་རབ་ཡུན་རིང་དུ་གནས་པར་འགྱུར་རོ་ཞེས་དགའ་བ་རབ་ཏུ་བསྐྱེད་པའི་ཕྱིར། རྡོས
363b2 པ་བརྗོད་པའི་འཕགས་པ་དགའ་བའི་བཤེས་གཉེན་གྱིས་བཤད་དོ། ། འཕགས་པ་དགའ་བའི་བཤེས་གཉེན་གྱི་རྟོགས་པ་བརྗོད་པ་རྫོགས་སོ།། ། རྒྱ་གར་གྱི་མཁན་པོ་དགེ་སློང་ཨཱ
363b3 ཛི་ཏ་ཤཱི་ར་བཱ་ཏྲ་དང་། དགེ་སློང་ཤཱཀྱ་འོད་ཀྱིས་བསྒྱུར།། །། རྒྱ་གར་སྐད་དུ། རཱ་ཛ་ཀཱ་ཉྫ་བཱ་ཧུ་དྲི་པ་སྱ་པྲ་ཀྱི་ཡུ་པྲ་ཎི་དྷ་སཱུ་ཏྲ། བོད་སྐད་དུ། རྒྱལ
363b4 པོ་གསེར་གྱི་ལག་པའི་མར་མེའི་ལོ་རྒྱུས་དང་སྨོན་ལམ་གྱི་མདོ། དཀོན་མཆོག་གསུམ་ལ་ཕྱག་འཚལ་ལོ།། སྔོན་སངས་རྒྱས་མར་མེ་མཛད་ཀྱིས་སྟོན་པ་མཛད་པའི་དུས་ན། རྒྱལ་པོ་གསེར་གྱི་ལག་པ
363b5 ཞེས་བྱ་བས། བཅོམ་ལྡན་འདས་མར་མེ་མཛད་ལ་འདི་སྐད་ཅེས་གསོལ་ཏོ།། བཙུན་པ་ཁྱོད་སྔོན་གྱི་དུས་ན་དགེ་བའི་རྩ་བ་ཅི་ཞིག་སྤྲད་ན། ད་ལྟར་མཚན་དང་དཔེ་བྱད་དུ་ལྡན་ཏེ། སྐུ་ལས་འོད་ཟེར་མཐའ
363b6 ལས་པ་འབྱུང་བའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཉོན་ཅིག། ངེས་སོ་སོ་སྐྱེ་བོའི་དུས་ན། ཕྱོགས་བཅུའི་སངས་རྒྱས་ཐམས་ཅད་ལ
363b7 བྱང་ཆུབ་ཏུ་སེམས་བསྐྱེད་ནས། ལུས་ལ་རས་བལ་གྱི་ལེའུ་ཏིལ་མར་གྱི་ནང་དུ་བཅོས་པ་སྟོང་བཙུགས་ཏེ། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ལ་གཏན་པ་མེད་པའི་མཆོད་པར་ཕུལ་བས།
iiif viewer powered by OpenSeadragon
