| e-texts navigator |
| Wylie |
363a1 སྐོར་བྱེད་པ་དང་། ཆོས་སྒྲོགས་པ་སྤྱན་འདྲེན་པ་དང་། ལོ་ལྔ་སྟོན་བྱེད་པ་དང་། གཙུག་ལག་ཁང་འབུལ་བ་དང་། མལ་སྟན་འདིངས་པ་དང་། ཆོས་གོས་འབུལ་བ་དང་།
363a2 གཎྜཱིའི་རབ་གནས་བྱེད་པ་དང་། སྨན་འབུལ་བ་དང་། ཡོ་བྱད་ཕུལ་བས་དགེ་བའི་རྩ་བ་བསྐྱེད་པ་དེ་དག་ཐམས་ཅད་ནི། བཅོམ་ལྡན་འདས་དེ་བཞིན་གཤེགས་པ་བྱམས་པའི་གསུང་རབ་ལ་མ་ཐོབ
363a3 པ་ཐོབ་ནས། འདུས་པ་གསུམ་པ་ལ་དད་པས་ཁྱིམ་སྤངས་ཏེ། སྐྲ་དང་ཁ་སྤུ་ཕྱི་ནས་ཆོས་གོས་བགོས་ཏེ། ཡང་དག་པའི་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། སྨོན་ལམ་ཇི་ལྟ
363a4 བ་བཞིན་དུ་ཡོངས་སུ་མྱ་ངན་ལས་འདའ་བར་འགྱུར་རོ། ། ཚེ་དང་ལྡན་པ་དེ་དག་ནི་རེ་ཞིག་དགེ་འདུན་ལ་དགེ་བའི་རྩ་བ་བསྐྱེད་པ་ཡིན་ནོ།། དེ་ནས་གནས་བརྟན་དགའ་བའི་བཤེས་གཉེན་གྱི་རྣམ་པ་དེ་དག་རྒྱ་ཆེར
363a5 བཤད་ནས། ཤིང་ཏ་ལ་བདུན་སྲིད་ཙམ་ནམ་མཁའ་ལ་མངོན་པར་འཕགས་ནས་དགེ་སློང་དེ་དག་གི་མདུན་དུ་རྣམ་པ་སྣ་ཚོགས་པའི་ཆོ་འཕྲུལ་ཡ་མ་ཟུང་དང་ལྡན་པའི་ཆོ་འཕྲུལ་བསྟན་ཏེ། སྟེང་གི་ནམ་མཁ
363a6 ལ་འདུག་ནས། ཚེའི་འདུ་བྱེད་དང་། སྲོག་གི་འདུ་བྱེད་བཏང་སྟེ། ཡོངས་སུ་མྱ་ངན་ལས་འདས་སོ།། དེ་ནས་དགེ་སློང་དེ་དག་གིས་གནས་བརྟན་དགའ་བའི་བཤེས་གཉེན་གྱི་ལུས་བསྲེགས་ནས་མཆོད
363a7 རྟེན་བྱས་ཏེ། དྲི་དང་། མེ་ཏོག་དང་། སྤོས་དང་། མར་མེ་དང་། གདུགས་དང་། རྒྱལ་མཚན་དང་། བ་དན་རྣམས་ཀྱིས་མཆོད་པ་བྱས་སོ།། རྣམ་པ་འདི་དག་འཕགས་པ་ནས་འཕགས
iiif viewer powered by OpenSeadragon
