| e-texts navigator |
| Wylie |
35a1 ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས། རིའི་རྒྱལ་པོ་རི་རབ་ཀྱི་བང་རིམ་གཉིས་པ་ནས། བང་རིམ་གསུམ་པ་གང་ན་རྟག་ཏུ་མྱོས་པའི་ལྷ་རྣམས་འཁོད་པར་རྩེ་ཞིང
35a2 འགྲོའོ། ། དེ་ནས་རྟག་ཏུ་མྱོས་པའི་ལྷ་རྣམས་དང་། འཕྲེང་ཐོགས་ཀྱི་ལྷ་རྣམས་དང་། ལག་ན་ཡོལ་གོ་ཐོགས་ཀྱི་ལྷ་རྣམས་དང་། ཆུ་ན་གནས་པའི་ཀླུ་རྣམས་དང་། སྲུངས་མ་བཞི་པོ་རྣམས
35a3 གཅིག་ཏུ་འདུས་པར་གྱུར་ནས། ལྷ་མ་ཡིན་རྣམས་དང་ལྷན་ཅིག་ཏུ་གཡུལ་འགྱེད་དོ།། དེར་ཅི་སྟེ་སྲུངས་མ་བཞི་པོ་རྣམས་རྒྱལ་ཏེ། ལྷ་མ་ཡིན་རྣམས་ཕམ་ན་ནི་སྲུངས་མ་བཞི་པོ་རྣམས་ཀྱིས
35a4 ལྷ་མ་ཡིན་རྣམས་ཐུབ་ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས། ལྷ་མ་ཡིན་གྱི་གྲོང་ཁྱེར་དུ་འགྲོ་བར་འགྱུར་རོ།། ཅི་སྟེ་ལྷ་མ་ཡིན་རྣམས་རྒྱལ་ཏེ། སྲུངས་མ
35a5 བཞི་པོ་རྣམས་ཕམ་ན་ནི་སུམ་ཅུ་རྩ་གསུམ་པའི་ལྷ་རྣམས་ཀྱི་སྲུངས་མ་བཞི་པོ་དག་ལྷ་མ་ཡིན་རྣམས་ཀྱིས་ཐུབ་ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས།
35a6 རིའི་རྒྱལ་པོ་རི་རབ་ཀྱི་བང་རིམ་གསུམ་པ་ནས། བང་རིམ་བཞི་པ་གང་ན་རྒྱལ་པོ་ཆེན་པོ་བཞི་པོ་རྣམས་འཁོད་པར་རྩེ་ཞིང་འགྲོའོ།། དེ་ནས་རྒྱལ་པོ་ཆེན་པོ་བཞི་པོ་རྣམས་དང་། རྟག་ཏུ་མྱོས་པའི
35a7 ལྷ་རྣམས་དང་། འཕྲེང་ཐོགས་ཀྱི་ལྷ་རྣམས་དང་། ལག་ན་ཡོལ་གོ་ཐོགས་པའི་ལྷ་རྣམས་དང་། ཆུ་ན་གནས་པའི་ཀླུ་རྣམས་དང་། སྲུངས་མ་ལྔ་པོ་རྣམས་གཅིག་ཏུ་འདུས་པར་གྱུར་ནས། ལྷ་མ
iiif viewer powered by OpenSeadragon
