| e-texts navigator |
| Wylie |
34b1 རྣམས་དང་། ཆུ་ན་གནས་པའི་ཀླུ་རྣམས་དང་། སྲུངས་མ་གཉིས་གཅིག་ཏུ་འདུས་པར་གྱུར་ནས་ལྷ་མ་ཡིན་དང་ལྷན་ཅིག་ཏུ་གཡུལ་འགྱེད་དོ།། དེར་ཅི་སྟེ་སྲུངས་མ་གཉིས་རྒྱལ་ཏེ། ལྷ་མ་ཡིན་རྣམས་ཕམ
34b2 ན་ནི་སྲུངས་མ་གཉིས་ཀྱིས་ལྷ་མ་ཡིན་རྣམས་ཐུབ་ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས། ལྷ་མ་ཡིན་གྱི་གྲོང་ཁྱེར་དུ་འགྲོ་བར་འགྱུར་རོ།། ཅི་སྟེ་ལྷ་མ་ཡིན་རྣམས
34b3 རྒྱལ་ཏེ། སྲུངས་མ་གཉིས་ཕམ་ན་ནི་སུམ་ཅུ་རྩ་གསུམ་པའི་ལྷ་རྣམས་ཀྱི་སྲུངས་མ་གཉིས་ལྷ་མ་ཡིན་རྣམས་ཀྱིས་ཐུབ་ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས།
34b4 རརིའི་རྒྱལ་པོ་རི་རབ་ཀྱི་བང་རིམ་དང་པོ་ནས། བང་རིམ་གཉིས་པ་གང་ན་འཕྲེང་ཐོགས་ཀྱི་ལྷ་རྣམས་འཁོད་པར་རྩེ་ཞིང་འགྲོའོ།། དེ་ནས་འཕྲེང་ཐོགས་ཀྱི་ལྷ་རྣམས་དང་། ལག་ན་ཡོལ་གོ་ཐོགས་ཀྱི་ལྷ
34b5 རྣམས་དང་། ཆུ་ན་གནས་པའི་ཀླུ་རྣམས་དང་། སྲུངས་མ་གསུམ་པོ་རྣམས་ལྷན་ཅིག་ཏུ་འདུས་པར་གྱུར་ནས། ལྷ་མ་ཡིན་རྣམས་དང་ལྷན་ཅིག་ཏུ་གཡུལ་འགྱེད་དོ།། དེར་ཅི་སྟེ་སྲུངས་མ་གསུམ
34b6 པོ་རྣམས་རྒྱལ་ཏེ། ལྷ་མ་ཡིན་རྣམས་ཕམ་ན་ནི་སྲུངས་མ་གསུམ་པོ་དག་གིས་ལྷ་མ་ཡིན་རྣམས་ཐུབ་ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས། ལྷ་མ་ཡིན་གྱི་གྲོང
34b7 ཁྱེར་དུ་འགྲོ་བར་འགྱུར་རོ། ། ཅི་སྟེ་ལྷ་མ་ཡིན་རྣམས་རྒྱལ་ཏེ། སྲུངས་མ་གསུམ་པོ་ཕམ་ན་ནི་སུམ་ཅུ་རྩ་གསུམ་པའི་ལྷ་རྣམས་ཀྱི་སྲུངས་མ་གསུམ་པོ་རྣམས་ལྷ་མ་ཡིན་གྱིས་ཐུབ་ཅིང་རྡུགས་པར་བྱས་ཏེ།
iiif viewer powered by OpenSeadragon
