| e-texts navigator |
| Wylie |
34a1 ཅུ་རྩ་གསུམ་པའི་ལྷ་རྣམས་དང་གཡུལ་འགྱེད་པའི་ཕྱིར་ལྷ་མ་ཡིན་གྱི་གྲོང་ཁྱེར་ནས་བྱུང་བ་དེ་དག། ཆུ་ན་གནས་པའི་ཀླུ་རྣམས་ཀྱིས་མཐོང་ངོ་།། མཐོང་ནས་ཆུན་གནས་པའི
34a2 ཀླུ་རྣམས་ཀྱང་། དཔུང་གི་ཚོགས་ཡན་ལག་བཞི་པ་འདི་ལྟ་སྟེ། གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་རྣམས་ཀྱིས་གོ་ཆ་བགོས་ཏེ།
34a3 གོ་ཆ་རྣམ་པ་བཞི་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུཪྻ་ལས་བྱས་པ་དང་། ཤེལ་ལས་བྱས་པ་མགོས་ནས། མཚོན་ཆ་རྣམ་པ་བཞི་རལ་གྲི་དང་། མདུང་དང་། འཕང
34a4 མདུང་དང་། གཞུ་རྣམས་བླངས་ཏེ། ལྷ་མ་ཡིན་རྣམས་དང་ལྷན་ཅིག་ཏུ་གཡུལ་འགྱེད་དོ།། དེར་ཅི་སྟེ་ཀླུ་རྣམས་རྒྱལ་ཏེ། ལྷ་མ་ཡིན་རྣམས་ཕམ་པར་གྱུར་ན་ནི། ཀླུ་རྣམས་ཀྱིས་ལྷ་མ་ཡིན་རྣམས་ཐུབ
34a5 ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས། ལྷ་མ་ཡིན་གྱི་གྲོང་ཁྱེར་དུ་འགྲོ་བར་འགྱུར་རོ།། ཅི་སྟེ་ལྷ་མ་ཡིན་རྣམས་རྒྱལ་ཏེ། ཀླུ་རྣམས་ཕམ་ན་ནི་ལྷ་མ་ཡིན་རྣམས
34a6 ཀྱིས་སུམ་ཅུ་རྩ་གསུམ་པའི་ལྷ་རྣམས་ཀྱི་སྲུངས་མ་དང་པོ་ཀླུ་རྣམས་ཐུབ་ཅིང་རྡུགས་པར་བྱས་ཏེ། ཕམ་པར་བྱས་ཤིང་རྒྱབ་ཀྱིས་ཕྱོགས་པར་བྱས་ནས། རྒྱ་མཚོ་ཆེན་པོའི་ནང་ནས་རིའི་རྒྱལ་པོ་ར་རིབ་ཀྱི་བང་རིམ
34a7 དང་པོ་གང་ན་ལག་ན་གཞོང་ཐོགས་ཀྱི་ལྷ་རྣམས་དང་། ལག་ན་ལོལ་གོ་ཐགས་ཀྱི་ལྷ་རྣམས་འཁོད་པར་རྩེ་ཞིང་འགྲོའོ།། དེ་ནས་ལག་ན་མོལ་གོ་ཐོགས་ཀྱི་ལྷ་རྣམས་དང་། ལག་ན་གཞོང་ཐོགས་ཀྱི་ལྔམ
iiif viewer powered by OpenSeadragon
