| e-texts navigator |
| Wylie |
33a1 ཀྱང་འདི་སྐད་དུ། དགེ་སློང་དག་སྔོན་བྱུང་བ་འཁོར་ལོ་སྒྱུར་བའི་རྒྱལ་པོ་གླང་པོ་རིན་པོ་ཆེ་བརྟག་པར་འདོད་པས་ཉི་མ་ཤར་བའི་དུས་ཀྱི་ཚེ། གླང་པོ་རིན་པོ་ཆེ་ལ་ཞོན་ནས་ས་ཆེན་པོ་རྒྱ་མཚོ
33a2 ལ་ཐུག་པ་འདི་ཉིད་བསྐོར་ཏེ། རྒྱལ་པོའི་ཕོ་བྲང་འཁོར་དེ་ཉིད་དུ་སོང་ནས། ཁྱེའུ་སུས་ཀྱི་བྱ་བ་བྱེད་དོ།། དགེ་སློང་དག་གཞན་ཡང་འཁོར་ལོ་སྒྱུར་བའི་རྒྱལ་པོ་རྟ་རིན་པོ་ཆེ་བརྟག་པར་འདོད་པས་ཉི་མ་ཤར
33a3 བའི་དུས་ཀྱི་ཚེ། རྟ་རིན་པོ་ཆེ་ལ་ཞོན་ནས་ས་ཆེན་པོ་རྒྱ་མཚོ་ཆེན་པོ་ལ་ཐུག་པ་འདི་ཉིད་བསྐོར་ཏེ། རྒྱལ་པོའི་ཕོ་བྲང་འཁོར་དེ་ཉིད་དུ་སོང་ནས། ཁྱེའུ་སུས་ཀྱི་བྱ་བ་བྱེད་དོ་ཞེས་གསུངས་སོ།།
33a4 སྤྱི་སྡོམ་ལ། རི་དང་སྐྱེ་བའི་གནས་དག་དང་།། ནམ་མཁའ་ལྡིང་དང་ལོ་ཚོང་དང་།། གྲང་བ་དག་ནི་ལྔ་པར་བྱས།། དུས་ཚོགས་ཀྱང་ནི་ཐ་མ་ཡིན།། འཇིག་རྟེན་བཞག་པ་ལས་ཚིགས་དྲུག་པའོ།།
33a5 འཇིག་རྟེན་བཞག་པ་བམ་པོ་གསུམ་པ།། ། སྡོམ་ལ། སྲུངས་མ་ལྷ་ཡི་གྲོང་ཁྱེར་བསྲུང་དང་རྣམ་པར་རྒྱལ།། ཆོས་བཟང་རྒྱུ་བའི་ལམ་དང་འོབས་དང་སྐྱེད་མོས་ཚལ།། ས་གཞི
33a6 དང་ནི་ཡོངས་འདུས་བརྟོལ་གླང་ཆེན་རྣམས། ། ལྷ་མ་ཡིན་རྣམས་ཀྱི་ཡང་དེ་དང་འདྲ་བ་ཡིན།། ལྷའི་གྲོང་ཁྱེར་དང་། ལྷ་མ་ཡིན་གྱི་གྲོང་ཁྱེར་གྱི་བར་དུ། སུམ་ཅུ་རྩ་གསུམ་པའི་ལྷ་རྣམས་ཀྱི་སྲུངས་མ་རྣམ་པ་ལྔ
33a7 བཀོད་པ་ལ་འདི་ལྟ་སྟེ། ཆུ་ན་གནས་པའི་ཀླུ་རྣམས་དང་། ལག་ན་ཡོལ་གོ་ཐོགས་པའི་ལྷ་རྣམས་དང་། ལག་ན་གཞོང་པ་ཐོགས་པའི་ལྷ་རྣམས་དང་། འཕྲེང་བ་ཐོགས་པའི་ལྷ་རྣམས་དང་། རྟག་ཏུ་མྱོས
iiif viewer powered by OpenSeadragon
