| e-texts navigator |
| Wylie |
32b1 ཉེས་པར་སྨྲས་པ་མ་ཡིན་ནོ།། ལེགས་པར་སྟོན་པ་ཡིན་ཏེ། ཉེས་པར་སྟོན་པ་མ་ཡིན་ནོ།། ལེགས་པར་བརྗོད་པ་ཡིན་ཏེ། ཉེས་པར་བརྗོད་པ་མ་ཡིན་ནོ།། དགེ་སློང་དག་དེ་ཅིའི་ཕྱིར་ཞེ་ན། དགེ་སློང་དེ་ནི
32b2 འདོད་ཆགས་དང་བྲལ་བ། ཞེ་སྡང་དང་བྲལ་བ། གཏི་མུག་དང་བྲལ་བ་སྟེ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ
32b3 བ་རྣམས་ལས་ཡོངས་སུ་གྲོལ་ཞིང་སྡུག་བསྔལ་ལས་ཡོངས་སུ་གྲོལ་བའོ་ཞེས་ང་སྨྲ་སྟེ། དེ་བས་ན་དེས་ནི་གང་འདི་སྐད་དུ། འདིར་ནི་ཟླ་ཕྱེད་ཚེས་བརྒྱད་དང་།། དེ་བཞིན་བཅུ་བཞི་བཅོ་ལྔ་དང་། ཆོ་འཕྲུལ
32b4 གྱི་ནི་ཟླ་ཕྱེད་ལའང་། ། གསོ་སྦྱོང་ཡན་ལག་བརྒྱད་པ་ལ།། ཤིན་ཏུ་མཉམ་གཞག་གནས་བྱེད་འདིར།། ང་ཅི་འདྲ་བ་དེ་བཞིན་འགྱུར།། ཞེས་ཚིགས་སུ་བཅད་པ་འདི་དག་སྨྲ་ན་ལེགས་པར་སྨྲས་པ་ཡིན་ཏེ།
32b5 ཉེས་པར་སྨྲས་པ་མ་ཡིན་ནོ།། ལེགས་པར་སྟོན་པ་ཡིན་ཏེ། ཉེས་པར་སྟོན་པ་མ་ཡིན་ནོ།། ལེགས་པར་བརྗོད་པ་ཡིན་ཏེ། ཉེས་པར་བརྗོད་པ་མ་ཡིན་ནོ་ཞེས་གསུངས་སོ།། འཛམ་བུ་གླིང་གི་ཁོ་ར་ཁོར་ཡུག་ན
32b6 འཁོར་ལོ་སྒྱུར་བའི་རྒྱལ་པོ་ལམ་དཔག་ཚད་གཅིག་ཏུ། གསེར་གྱི་བྱེ་མ་བདལ་ཏེ། རྒྱ་མཚོ་ཆེན་པོའི་ཆུས་པུས་མོ་ནུབ་པ་ཙམ་དུ་ཡོངས་སུ་ཁྱབ་བོ།། གང་གི་ཚེ་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ
32b7 དེའི་ཚེ། རྒྱ་མཚོ་ཆེན་པོར་དཔག་ཚད་གཉིས་ཀྱི་བར་དུ་ན་སྐམ་ཞིང་མེད་པར་འགྱུར་ཏེ། འཁོར་ལོ་སྒྱུར་བའི་རྒྱལ་པོ་གང་ནས་གླིང་དུ་འགྲོ་བ་དེ་ནི་འཁོར་ལོ་སྒྱུར་བའི་ལམ་ཡིན་ནོ།། བཅོམ་ལྡན་འདས་ཀྱིས
iiif viewer powered by OpenSeadragon
