| e-texts navigator |
| Wylie |
32a1 ལྷའི་དབང་པོ་བརྒྱ་བྱིན་དེ་ནི་འདོད་ཆགས་དང་བཅས་པ། ཞེ་སྡང་དང་བཅས་པ། གཎྜཱི་མུག་དང་བཅས་པ་སྟེ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་།
32a2 སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་མ་གྲོལ། སྡུག་བསྔལ་ལས་ཡོངས་སུ་མ་གྲོལ་ལོ་ཞེས་ང་སྨྲའོ།། དེ་བས་ན་དེས་གང་འདི་སྐད
32a3 དུ་འདི་ནི་ཟླ་ཕྱེད་ཚེས་བརྒྱད་དང་། ། དེ་བཞིན་བཅུ་བཞི་བཅོ་ལྔ་དང་།། ཆོ་འཕྲུལ་གྱི་ནི་ཟླ་ཕྱེད་ལའང་།། གསོ་སྦྱོང་ཡན་ལག་བརྒྱད་པ་ལ།། ཤིན་ཏུ་མཉམ་གཞག་གནས་བྱེད་འདིར།། @
32a4 འདྲ་བ་དེ་བཞིན་འགྱུར། ། ཞེས་ཚོགས་སུ་བཅད་པ་སྨྲས་པ་འདི་ཉེས་པར་སྤྲས་པ་ཡིན་གྱི། ལེགས་པར་སྨྲས་པ་མ་ཡིན་ནོ།། ཉེས་པར་སྟོན་པ་ཡིན་གྱི། ལེགས་པར་སྟོན་པ་མ་ཡིན་ནོ།། ཉེས་པར
32a5 བརྗོད་པ་ཡིན་གྱི། ལེགས་པར་བརྗོད་པ་མ་ཡིན་ནོ།། དགེ་སློང་དག་དགེ་སློང་གང་དགྲ་བཅོམ་པ་ཡིན་ཞིང་། གང་ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ
32a6 ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་དེས་ནི་གང་འདི་སྐད་དུ། འདིར་ནི་ཟླ་ཕྱེད་ཚེས་བརྒྱད་དང་།། དེ་བཞིན་བཅུ་བཞི་བཅོ་ལྔ་དང་།
32a7 ཆོ་འཕྲུལ་གྱི་ནི་ཟླ་ཕྱེད་ལའང་།། གསོ་སྦྱོང་ཡན་ལག་བརྒྱད་པ་ལ།། ཤིན་ཏུ་མཉམ་གཞག་གནས་བྱེད་འདིར།། ངཅི་འདྲབ་དེ་བཞིན་འགྱུར།། ཚོགས་སུ་བཅད་པ་འདི་སྨྲས་ན་ལེགས་པར་སྤྲས་པ་ཡིན།
iiif viewer powered by OpenSeadragon
