| e-texts navigator |
| Wylie |
328a1 བ་གཏོང་བར་འགྱུར་རོ། ། དགེ་སློང་རྣམས་ཀྱིས་ཀྱང་ཡུལ་ཀཽ་ཤ་མཱི་ཞེས་བྱ་བ་ན་རྒྱལ་པོ་བཟོད་དཀའ་ཞེས་བྱ་བ་དགེ་འདུན་ལ་ཡོ་བྱད་འབུལ་བ་ཞིག་ཡོད་དོ་ཞེས་ཐོས་ནས་ཡི
328a2 རངས་ཏེ། ཡུལ་ཀཽ་ཤ་མཱི་ཞེས་བྱ་བར་འགྲོ་བར་འགྱུར་རོ།། དེའི་ཚེ་ཡུལ་ཀཽ་ཤམྦིར་དགེ་སློང་འབུམ་འདུས་པར་འགྱུར་རོ།། དེ་ནས་ཚེས་བཅོ་ལྔའི་ནུབ་མོ་དགེ་སློང་རྣམས་གསོ་སྦྱོང་ལ་འདུས་ཏེ། དགེ
328a3 སློང་ཤིར་ཤ་ཀ་བོས་ནས་ཁྱོད་ཀྱིས་སོ་སོར་ཐར་པའི་ཨ་དོ་ཐོན་ཅིག་ཅེས་སྨྲ་བར་འགྱུར་རོ། ། དགེ་སློང་ཤིར་ཤ་ཀས་ཀྱང་སླར་འདི་སྐད་དུ་ཁྱེད་རྣམས་ལ་སོ་སོར་ཐར་པས་ཅི་ཞིག་བྱ། མི་སྣ་དང་རྣ་བ་བཅད་པ
328a4 ཁ་མེ་ལོང་གིས་ཅི་ཞིག་བྱ་ཞེས་སྨྲ་བར་འགྱུར་རོ། ། དེ་ནས་དེའི་ཚེ་དགེ་སློང་དེ་དག་གི་ནང་ནས་དགྲ་བཅོམ་པ་སུ་ར་ཏ་ཞེས་བྱ་བ་ལངས་ནས་སེང་གེ་ལྟ་བུའི་སྐད་ཀྱིས་དགེ་སློང་ཤིར་ཤ་ཀ་ལ་འདི་སྐད་ཅེས
328a5 ཁྱོད་ཅིའི་ཕྱིར་དེ་སྐད་ཅེས་སྨྲ། ཁོ་བོ་ནི་བདེ་བར་གཤེགས་པས་བཀའ་སྩལ་པ་བཞིན་དུ་བསླབ་པ་གཅིག་ཀྱང་མ་ཉམས་སོ་ཞེས་སྨྲས་པ་དང་། དགེ་སློང་ཤིར་ཤ་ཀ་ཤིན་ཏུ་སྐྱེངས་པར་གྱུར་ཏོ།།
328a6 དེ་ནས་དགེ་སློང་ཤིར་ཤ་ཀའི་སློབ་མ་ཨ་ཀན་བི་ཞེས་བྱ་བས་དགྲ་བཅོམ་པ་དེ་ལ་འདི་སྐད་དུ། ཁྱོད་ཅིའི་ཕྱིར་ངའི་སློབ་དཔོན་ལ་མི་མང་སར་དེ་སྐད་སྨྲ་ཞེས་ཁྲོས་ནས། ལག་པ་གཉིས་ཀྱིས་སྒོ་གངན
328a7 བླངས་ནས། དགྲ་བཅོམ་པ་དེ་གསོད་པར་འགྱུར་རོ།། དེ་ནས་དགྲ་བཅོམ་པ་དེའི་སློབ་མ་དགེ་སློང་ཀ་ར་ཏ་ཞེས་བྱ་བ་ལའང་རང་གི་སློབ་དཔོན་བསད་པར་མཐོང་ནས་ཤིན་ཏུ་ཁྲོས་ཏེ་དབྲུག་པ་བླངས་ནས
iiif viewer powered by OpenSeadragon
