| e-texts navigator |
| Wylie |
322a1 པ་དེར་འགྲོ་བར་བྱས་ནས། ཉི་མ་འདི་ལ་འདོང་ངོ་ཞེས་དུས་བཏབ་ནས། དེའི་ནུབ་མོ་གཙུག་ལག་ཁང་ཚར་མར་ཞག་གོ།། ནམ་ལངས་པ་དང་། བུད་མེད་དད་པ་ཅན་ཞིག་གིས
322a2 གདན་ཆུང་ལ་སྤྱན་དྲངས་ཏེ། དེ་ནས་གཎྜཱི་དེ་བརྡུངས་ནས། དགེ་འདུན་སྤྱིས་གཙུག་ལག་ཁང་བསྐོར་ཏེ་མཆོད་པ་བྱས་པ་དང་། སངས་རྒྱས་ཀྱི་གཟུགས་བརྙན་གྱི་གདན་ཁྲི་ཞིག་གས་པའི་གསེབ་ནས
322a3 སྒྲོམ་བུ་ཐ་རབས་ཅན་ཞིག་སྣང་བར་འགྱུར་ཏེ། དེ་ནས་སྒྲོམ་བུ་དེ་ཕྱེ་བ་དང་། དེའི་ནང་ནས་གསེར་ལས་བྱས་པའི་ཁ་ཟས་སྡེར་ཆ་བདུན་བྱུང་སྟེ། དགེ་སློང་ཀུན་གྱིས་དེ་བླངས་ཏེ། འབྲུར་བསྒྱུར་ནས་དགེ
322a4 འདུན་ཀུན་དབྱར་ཟླ་བ་གསུམ་གཙུག་ལག་ཁང་ཚར་མར་ཚུལ་དུ་འཇུག་པའི་འཚོ་བ་སྦྱར་ནས། ཟོང་ལྷག་མ་ལས་ཡུལ་བྱུང་སྟེ། འགྲོ་བའི་ལམ་བརྒྱགས་དང་ཁུར་ཁ་ལ་སྦྱར་རོ།། དབྱར་ཟླ་བ་གསུམ་འདས
322a5 ནས་འདི་སྐད་དུ། ཡུ་བུ་ཅག་རྣམས་བྱིན་གྱིས་བརླབས་བརླབས་པའི་ཡུལ་འདི་བལྟས་ལ་འགྲོ་བར་བྱའོ་ཞེས་སྨྲས་ཏེ་སོང་ནས། འཕགས་པ་སའི་སྙིང་པོའི་གནས་གཙུག་ལག་ཁང་ཡེ་ཤེས་རི་ཞེས་བྱ
322a6 བའི་དྲུང་དུ་ཕྱིན་པ་དང་། དེའི་ཚེ་བྲག་ལ་མཆོད་རྟེན་གྱི་འོག་གཞི་རྙིང་པ་ཞིག་ཡོད་པ་རྡིབ་པའི་ནང་ནས་གསེར་ཁོར་ཆེད་པོ་མུ་ཏིག་གིས་གང་བ་ཞིག་བྱུང་བ་དང་། དེའང་བླངས་ཏེ་འབྲུར་བསྒྱུར་ནས། ཕྱོགས་དེར
322a7 དགུན་ཟླ་བ་གསུམ་གནས་པའི་འཚོ་བ་སྦྱར་ཏེ། དེ་ནས་དཔྱིད་བྱུང་སྟེ་འགྲོ་བའི་དུས་ལ་བབ་ནས་སོང་སྟེ། ཤེས་ཆུ་འོག་མ་རྒལ་བ་དང་། ཡུལ་མི་སྟོད་པ་རྣམས་ཀྱིས་ལམ་ཡོགས་སུ་གདུགས་ཆོད་སྦྱར་ནས།
iiif viewer powered by OpenSeadragon
