| e-texts navigator |
| Wylie |
31b1 པ་བྱེད་པ་དང་། བསོད་ནམས་བྱེད་པ་དང་། ཚེ་འདི་དང་ཚེ་ཕྱི་མ་ལ་ཁ་ན་མ་ཐོ་བ་རྣམས་ཀྱིས་འཇིགས་པར་ལྟ་བ་དང་། སྦྱིན་པ་དག་སྦྱིན་ཞིང་བསོད་ནམས་དག་བྱེད་པ་དང་། གསོ་སྦྱོང་ལ་ངེས་པར་གནས
31b2 པ་དང་། ཚུལ་ཁྲིམས་ཡང་དག་པར་བླངས་ནས། འདུག་པ་དག་མང་བ་ནི་མི་རྣམས་ཀྱི་ཆོས་མཛེས་སོ།། རྐྱེན་དུ་བབ་བོ།། ལེགས་སོ།། དགེའོ།། དེ་ལྟར་ན་ལྷ་རྣམས་ཀྱི་ཚོགས་ནི་མངོན་པར་འཕེལ
31b3 བར་འགྱུར་ལ། ལྷ་མ་ཡིན་རྣམས་ཀྱི་ཚོགས་ནི་ཡོངས་སུ་འགྲིབ་པར་འགྱུར་རོ་ཞེས་སྨོས་སོ།། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། ལྷའི་འཁོར་རབ་ཏུ་དགའ་ལ་བདེ་ཞིང་ཡིད་བདེ་བ་སྐྱེས་པར
31b4 རིག་ནས། དེའི་ཚེ་ཚིགས་སུ་བཅད་དེ་སྨྲས་པ། འདིར་ནི་ཟླ་བ་ཕྱེད་དང་ཚེས་བརྒྱད་དང་།། དེ་བཞིན་བཅུ་བཞི་བཅོ་ལྔ་དང་།། ཆོ་འཕྲུལ་གྱི་ནི་ཟླ་ཕྱེད་ལའང་།། གསོ་སྦྱོང་ཡན་ལག་བརྒྱད་པ་ལ།། ཤིན་ཏུ
31b5 མཉམ་གཞག་གནས་བྱེད་འདིར། ། ང་ཅི་འདྲ་བ་དེ་བཞིན་འགྱུར།། དགེ་སློང་དག་ལྷ་རྣམས་ཀྱི་དབང་པོ་བརྒྱ་བྱིན་གྱིས་གང་འདི་སྐད་དུ། འདིར་ནི་ཟླ་ཕྱེད་ཚེས་བརྒྱད་དང་།། དེ་བཞིན་བཅུ་བཞི་བཅོ་ལྔ་དང་།
31b6 ཆོ་འཕྲུལ་གྱི་ནི་ཟླ་ཕྱེད་ལའང་།། གསོ་སྦྱོང་ཡན་ལག་བརྒྱད་པ་ལ།། ཤིན་ཏུ་མཉམ་གཞག་གནས་བྱེད་འདིར།། ང་ཅི་འདྲ་བ་དེ་བཞིན་འགྱུར།། ཞེས་ཚིགསུ་བཅད་པ་སྨྲས་པ་དེ་ནི་ཉེས་པར་སྨྲས་པ་ཡིན
31b7 གྱིལེགས་པར་སྨྲས་པ་མ་ཡིན་ནོ། ། ཉེས་པར་སྟོན་པ་ཡིན་གྱི། ལེགས་པར་སྟོན་པ་མ་ཡིན་ནོ།། ཉེས་པར་བརྗོད་པ་ཡིན་གྱི། ལེགས་པར་བརྗོད་པ་མ་ཡིན་ནོ།། དགེ་སློང་དག། དེ་ཅིའི་ཕྱིར་ཞེ་ན
iiif viewer powered by OpenSeadragon
