| e-texts navigator |
| Wylie |
27b1 དེ་དག་ཀྱང་ཁ་ནང་དུ་ལྟའོ། ། ལྔ་པའི་ནང་ན་འདུག་པ་གང་ཡིན་པ་དེ་དག་ཀྱང་ཁ་ནང་དུ་ལྟའོ།། དྲུག་པའི་ནང་ན་འདུག་པ་གང་ཡིན་པ་དེ་དག་ཀྱང་ཁ་ནང་དུ་ལྟའོ།། བདུན་པའི་ནང་ན་འདུག་པ་གང་ཡིན
27b2 པ་དེ་དག་ཀྱང་ཁ་ནང་དུ་བལྟས་ཏེ་འཁོད་དོ། ། གང་གི་ཚེ་གླང་པོ་ཆེའི་རྒྱལ་པོ་རབ་ཏུ་བརྟན་པ་ཤིང་སཱ་ལའི་རྒྱལ་པོ་རབ་ཏུ་བརྟན་པ་ནས། རྫིང་བུ་དལ་གྱིས་འབབ་པར་འགྲོ་བ་ན། རེས་འགའ་ན་ཐ་མལ
27b3 པའི་ཚུལ་གྱིས་འགྲོའོ། ། རེས་འགའ་ནི་འདི་ལྟ་སྟེ། ལྷ་འམ་ལྷའི་བུ་རྫུ་འཕྲུལ་ཆེ་ཞིང་མཐུ་ཆེ་བ་གང་ཡང་རུང་བ་དང་འདྲ་བར་བདག་ཉིད་མངོན་པར་སྤྲུལ་ནས། གླང་པོ་ཆེ་དེ་དག་ཐམས་ཅད་ཀྱི་ནང་ན་དབང་།།
27b4 ཆེ་བར་གྲགས་པ་གང་ཡིན་པ་དེ་ཉིད་ཀྱི་མགོ་བོ་འམ། རྒྱབ་ཏུ་ཞོན་ཏེ། སིལ་སྙན་དང་། ཕག་རྡོབ་པ་དག་ཀྱང་རྒྱ་ཆེར་བྱེད་ཅིང་འགྲོའོ།། གང་གི་ཚེ་གླང་པོ་ཆེའི་རྒྱལ་པོ་རབ་ཏུ་བརྟན་པ་རྫིང་བུ་དལ་གྱིས
27b5 འབབ་ཀྱི་ནང་དུ་ཞུགས་ནས། རྩེ་ཞིང་དགའ་ལ་དགའ་མགུར་སྤྱོད་པ། དེའི་ཚེ་གླང་པོ་ཆེ་བརྒྱད་སྟོང་པོ་དག་འདི་ལྟ་སྟེ། གླང་པོ་ཆེའི་རྒྱལ་པོ་རབ་ཏུ་བརྟན་པ་དེ་བསྲུང་བ་དང་། སྦ་བ་དང་། མཛེས་པར
27b6 བྱ་བའི་ཕྱིར། རྫིང་བུ་དལ་གྱི་འབབ་ཀྱི་མཐའ་ཁོར་ཁོར་ཡུག་ཀུན་ནས་བསྐོར་ཏེ། ཁ་ནང་དུ་བལྟས་ཤིང་འཁོད་དོ།། གང་གི་ཚེ་གླང་པོ་ཆེའི་རྒྱལ་པོ་རབ་ཏུ་བརྟན་པ་རྫིང་བུ་དལ་གྱིས་འབབ་ཀྱི་ནང་ན་རྩེ་ཞིང
27b7 དགའ་ལ་དགའ་དགུར་སྤྱད་ནས། ཕྱིར་འབྱུང་བ་དེའི་ཚེ་དེའི་ནང་ན་གླང་པོ་ཆེ་དབང་ཆེ་བར་གྲགས་པ་གང་ཡིན་པ་དེ་རྫིང་བུ་དལ་གྱིས་འབབ་ཀྱི་ནང་ན་ཞུགས་ནས་པདྨའི་རྩ་བ་རྣམས་བླངས་ཏེ་ཤིན་ཏུ་བཀྲུས་ཤིང་རབ་ཏུ
iiif viewer powered by OpenSeadragon
